бекlлибиубси бяхlличи чарухъес

Мубарак

Мубарак

Мубарак

Дагъистан Республикала муфтий, шайх ГIяхIмад-Апандини республикала халкь Кьурбан-байрамличил мубаракбариб:

«Ассаламу гIялайкум ва рахIматуллагьи ва баракатугь.

ЧевяхIсила уркIецIи ва ряхIму диаб хIушаб, ахIерти узби ва рузби! Мубаракдирулрая бусурмантала бегIлара бекIлибиубси байрам – Кьурбан-байрамличил! Ил байрам саби дурхъати мераначи зиярат дураберкIили – хIяж барили таманбиънила!

Халаси шукру биаб ЧевяхIсилис ил лигIмат гибнилис, пандемия лебни багьандан чумал дус гIягIниси тяхIярли дураберкIес бетхIеурси. Тиладибирулра ЧевяхIсилизи челябкьлализирра нуша илдигъунти балагьуназирад мяхIкамдарахъес. Дигеси саби Аллагьли сунела баракатличил ва уркIецIиличил бахъал адамтас хIяж барахъес имкан бедни. Кьудратла ВегIли кьабулбараб илдани дураберкIибси хIяж, илкьяйдали илдала ва нушала кьурбунти ва гIяхIти баркьудлуми. Амин.

Гьайгьайрагу, разихIейэс хIейрар байрамла бурхIназир нушала улкализир ва лебилра дунъяличир чулахъунас, ятимтас, цунтас, мискинтас багаладиэсти гIяхIбаркьла дахъал далдуцуни детурхниличи. ЧевяхIсини лебтасалра биштIа-халатасра, гьарил гIяхIдешлис кири баахъаб, ва хIяжаттас кумек гIеббиахъес нуша гьатIира гьуцIдираба.

ЧевяхIси Аллагьлизи тиладибирулра нушала уркIи-уркIиларадти балга-дугIя дакьахъес, нушала умути нигетуни кьабулдарахъес, сахаватдешличил нушаб арадеш, талихI, гIяхIдеш гахъес ва бекIла чедиб даршуси зак калахъес. Кьурбан-байрамличил!»

2026-08-01 (Сафар 1448 д.) №8.


Суалти-жавабти

– Мурул-хьунул декIарбикили гIергъи хьунуйзиб муруйзибад къиян –хIекь чебахъахъес (компенсация) тIалаббарес ихтияр лебсив, эгер мурул цахIнаб хIербирухIели хьуна арцличил хIерирули кали виалли? – Эгер мурул хьуна арцличил хIерирули кали виалли, илини биалли дугьбачил иличи...


ДехIибала черихъни

Бусурман адам 13 – 14 дус виубхIейчивад балугълаваибси сай: хIебиалли, иличи дехIибала, дуббуцари ва цархIилти Аллагьлис ﷻ дирути гIибадатла жураби (фарзани) хъарти сари. Фарзла (паризала) цадехI дехIибала уркалунси 70 дус жагьаннабла цIализив вирар или цабехIти гIялимтани буруси пикри лебси...


Азгъинти дурхIначила

Муртрил сахаватси ва бузери дигуси хъубзара адам хIерирули уили сай. Илала азгъинти ва кьиркьирти дурхIни буили саби. ВебкIес гьалаб хъубзарли дурхIни сунечи жибарили сай ва пулан мерличибси хъуличиб кур буркъадалли, хазна бургидая или бурили сай. Хъубзара вебкIибмад, илала дурхIни ургубализи...


ГIяли ибн Абу ТIалибла мижит

Нушани гьалабра нушала белкIаназиб жIявхIелла мижитуначила бурибсири. Иш яргализиб гьанбушес дигулра ГIяли ибн Абу ТIалибла мижитличила. Илала сурат кабяхъили саби гьижрала 1271 ибил дуслизиб дураибси Афганиста 1000 афгани къурушлизиб. Илизиб нушани чебиулра халаси мижит, берхIила нуранани...


ДехIибайс ужра

Дархьли, дурусли, чедетаахъили, кьабулдаресли дарибти дехIибайс Аллагьли ﷻ гIеббиахъуси халаси ужраличила бурути дахъал хIядисуни лерти сари. Илди гьаладирхьулра:   «МухIяммадлира ﷺ илала умматлира дарибти савлила дехIиба 2 ракагIят багьандан ил бархIилара ил дугилара бунагьуначивад...