Унсла дехIибала
Унсла дехIибала
Адам вебкIибхIели илис бегIлара къиянбулхъуси дуги саби, цаэсил дуги. Ит дугира вебкIибсила гIелабтани сецад бираллира вебкIибсилис пайдала биэси секIал барес хIяжатбиркур, садакьа бутIни вебкIибсила рухIличибад, Кьуръан белчIи хIялалбатни, зикру-мавлид делчIи илдала кери хIялалбатни.
«Фатхуль гIялам» - бикIуси жузлизиб Идбагла ﷺ хIядис бурули саби: «Марлира хIушала вебкIибсилис бегIлара къиянси дуги, цаэсил дуги саби, хIушанира сунечи уркIецIибарая, илала рухIличибад садакьа бутIая. Ил барес барес хIедирадалли кIел ракагIятла суннатла дехIибала дарая, «АльхIямлис» гIергъи ца «Аятуль-курси» белчIи, ца «Ат-такассур (алгьаку муттакасур)» белчIи, вецIал «Ихлас (кьулгьу)» делчIи. ГIур илдала тамандиубли гIергъи балга белчIи: Аллагьумма саллайту гьазигьи салата ватагIлам ма уриду. Аллагьумма бягIссаваба ила кьабри (вебкIибсила у буру). (Я Аллагь ﷻ, нуни дехIибала дарира, ХIунира балад дила кьас. Я дила Аллагь ﷻ, дарибти дехIиба кири (вебкIибсила у буру, мисал – ГIябдуллагьла урши МухIяммадла) хIябличи баахъагу).
ИлхIели Аллагьли ﷻ ит вебкIибсила хIябла бухIна малаикуни бурхьу савгъатунира сабира, илдира вебкIибсиличил барх буар ил разивирули Исрафил малаикли мукекилизи уфдарайчи».
ГIурра хIядислизиб бурули саби, илди дехIибайчив даимвиубси адам убкIхIебкIар Алжанализибси сунела мер чебаайчи.
ЦагьатIи хала-гIялимли бурули саби: «ХIябра разисира лев кьалли гьар дуги илди дехIибала дирули илдала кири бебкIибтас хIялалбалтуси адам».
Аллагьли ﷻ кьабулдараб дарибти дехIибала ва илдас лайикьси шабагъат кьадарбараб. Амин.
