бекlлибиубси бяхlличи чарухъес

Редакциялизи суал

Редакциялизи суал

Асубирусив шаригIят хIясибли банклизив узес?

Банклизив узес къадагъабарибси ахIен гIергъити шуртIри дузахъули диалли:

  1. Эгер банклизив узес чараагардеш лебли биалли, сенкIун чараагардеш лебли хIебиалли къадагъаласи мерличив узес къадагъабарибси саби. Ил чараагардеш дебали халаси хIяжатдеш лебниличибли хIебиаллира.
  2. Эгер бархьаначиси яра гьарли ахIенси (косвенно) жураличил чеблалис (кредит) арц дедлугниличил бархбасунси хIебиалли, сенкIун къадагъасилис кумекбиресра къадагъабарибси саби. Ил чеблалис арц дедлугниличил дархдасунти документуни печатьдирни биаллира, яра илди ца мерличирад цархIил мерличи диахъни биаллира.
  3. Эгер алапаби дедлугнила шайчибси банкла фонд абзурли рибала арцлизибад хIебиалли. СенахIенну лебдеш къадагъаласи тяхIярли сархибсиличил узес къадагъабарибси саби, хIянчи асубируси журала биаллира.

Амма сеналра илди шуртIри дузахъули диаллира банклизив узес хIейгеси саби (карагьат-танзигь). СенкIун имцIатигъунти алапабала фондлизирти арц рибала арцличил дархдасунти сари.

 

ШархI СахIихIу Муслим, ТухIфат аль-мугьтаж, ХIашия аш-Ширвани, ШархI аль-Махалли аля аль-мингьаж.

 

 

- ГIясивиубхIели дурибти тIалакьла дугьбани магьар кабуршусив?

- Сунела «ФатхI аль-Муин» бикIуси жузлизиб ГIяхIмад ибн ГIябдуль ГIязиз аль-Малибари викIар: «ШафигIитунала мазгьабла гIялимтани кабизахъни хIясибли, мурул адамли гIясидешлизир дурибти тIалакьла дугьбани магьар кабуршуси саби, сецад ил гьимили вицIибхIели се ибсирил балули ахIенри или викIалра».

Имам ар-Рамлини «Таргъиб аль-Муштак» жузлизиб бурили саби илгъуна гьимиличил левли магьар кабушниличила. Халбирусив илгъуна тIалакь рах нагагьладан гIясивиубдешли аргъайзивад ухъниличила хъяма виркьули виалли? Илгъуна адамла гIясидеш яра дебали цIакьли гьимукIни ил адам марвирнила далил ахIен. Амма илцадра гIясивиубдешли ил гIякьлулизивад ухъи виалли, ил марварес асубирар ва тIалакь халхIебиру» («Ианат ат-Талибин», т.4, бяхI. 2486).

Чедиб бурибсилизибад аргъес вирар, гьимиличил бурибси тIалакьла цIакь лебси саби ва илини магьар кабуршу. Амма ил адамла гьими ва гIясидеш илцадра цIакьли диубли ил гIякьлулизивад ухъни кабизахъалли магьар калунси саби. Магьар калнилизи халбируси саби илгъуна тяхIяр-кьяйда бикьрумани марбаралли.

2026-08-01 (Сафар 1448 д.) №8.


Азгъинти дурхIначила

Муртрил сахаватси ва бузери дигуси хъубзара адам хIерирули уили сай. Илала азгъинти ва кьиркьирти дурхIни буили саби. ВебкIес гьалаб хъубзарли дурхIни сунечи жибарили сай ва пулан мерличибси хъуличиб кур буркъадалли, хазна бургидая или бурили сай. Хъубзара вебкIибмад, илала дурхIни ургубализи...


ДехIибайс ужра

Дархьли, дурусли, чедетаахъили, кьабулдаресли дарибти дехIибайс Аллагьли ﷻ гIеббиахъуси халаси ужраличила бурути дахъал хIядисуни лерти сари. Илди гьаладирхьулра:   «МухIяммадлира ﷺ илала умматлира дарибти савлила дехIиба 2 ракагIят багьандан ил бархIилара ил дугилара бунагьуначивад...


Цахтони

ГIягIнидиркур: (4 порциялис) диъ – 500 гр; бурт (яра мацони) – 300 гр; хиви (грецкий) – 200 гр; кинза – 1 хала; укроп – 5 кьяли; итан жерши – 4 цула; хмели-сунели – 0,5 чяйла кьулса; зе, хIунтIена ва цIудара исиут – бизидеш...


УркIи изутира леб

КIел жумягIцадхIи, улкала цацадехIти регионтазирван, нушала республикализирра цIабикьалала (топливо) багьнала шайчир гIяхIцад дарсдешуни кадикиб. Илди хаслира къячдикун шагьуртазиб хIербирути адамтачи.   Буралли, цIабикьалала багьни дусла бехIбихьудличирадал гIяхIцадла ахъдиублири. Амма...


Дурхъати дугьби

ЧевяхIси Кьудратла ВегIли декIарбарибти дурхъати идбагуни адаб хIяяла ва сабурла шайчиб адамтас гIибратли бирутири. Илдазибад гьарилла дугIя лебсири, илала кумекличил Аллагьличи ﷻ дугьабилзутири ва ЧевяхIсини илдас жаваб чарбирусири.   Айюб Идбагла дугIя Айюб Идбагличила нушани газетала...