Пайдалати

1. Нар – илини иммунитет ахъбиру, С витамин ва агъулати секIал дурайути секIал лерниличибли, чулира кьаркьа клеткаби мяхIкамдирути. Нар давлачебси саби А, Е, С, В витаминтачил ва фосфор, кальций, йод, железо, калий, натрий, магний минералтачил. Нарлизир цархIил цIедешлизир агарти 15 жура-журала аминокистлота лерти сари, нушала кьаркьайс пайдалати. Илизибси пуникалагинни бемдри убису ва пуническая кислотали клеткаби сагадирниличибли дахъал излумазибад мяхIкамдеш биру. ХIила гъяж гьунчибуршу, дягIла изала хIярхIбиру.
2. Киви – илизиб С витамин апельсинничибра мандаринничибра имцIаси саби. Илкьяйдали Е ва В кьукьяла витаминтачил давлачебси саби, чулира уркIила бузери ва кьаркьа арадеш бихIес кумекбирути. Медь, калий, фосфор, магний, марганец, кальций микроэлементунани иммунитет гIеббурцу, К витаминни хIи дутнила тяхIяр гьунчибуршу. Кивили кани шинкIабирахъуси асарбиру. Илини астмала ва гьигьла биркIантала излуми кункдиру, хIила гъяж гIяшбиру, инсультлизибад ва уркIила излумазибад мяхIкамдеш биру.
3. Банан – илини дахъал углеводуни ва триптофан лерниличибли цIакь ва гIяхIси гьав лугуси саби. Бананни туми чIумадиру ва нерваби ункъдиру, иличибли уркIиличи гIяхIси асарбиру. Илизибси пектинни кьаркьала умубиру, зев а цархIилтира агъулати секIал дурайу, чимхъа-умхитIла бузери ункъбиру. Илизибси калийли инсульт ва инфаркт бетарнила урехи камбиру. Марганецли кьаркьайзибси глюкоза гIяшбиру ва кальций ашбиахъес кумекбиру. Илкьяйдали ил давлачебси саби С ва В кьукьяла витаминтачил. А витамин биалли гIинцлизибсиличиб 5 – йнали имцIаси саби.