НасихIятла тулкне
Дещалла гIялимталли
Чибагал гьана бите
Гьештив ирар инсанте
Ккурттала макру чевте.
Гьаналла гIялимталли
Чибагал гунев бите
Гьештикьал бусурманте
Малайкунай мешуте.
Мискин ила къагъдехь
Гъарив ила авдалдехь
Беккавв Аллагьли ﷻ пагьму
Бусурман халкьла агьлуй.
Кьивлай дягIдиццахара
ГIях-вяхIи дикIардирул
Цалжи-ца гъайадикIул
Дел гIямру дерчIахара
Ла илагьа иллаЛлагь
МухIяммад Расулуллагь ﷺ
Тавба астагъфируЛлагь
Шукру альхIямдулиЛлагь.
Дунелла масла децIа
Аллагьли ﷻ хъявла гьассив
Абадла хъалла децIа
Цинни лагърай хъарбарив.
Дунелла масла макру
Ахиратцци чибигар
Тякле гIямру дерчIибил
ЦIакьле пашманра виргьар.
Гьеж дунелла гIямрулцци
РяхIму ил имцIабара
Абадла ахиратцци
НигIмате гьарзадара.
АстагъфируЛлагь Аллагь ﷻ
ЦIилра альхIямдулиЛлагь
Ду виккул и аваргьан
Динна хьуней червара.
Дуда нищала Аллагь ﷻ
Дам лагъдехь дарай биив
Атта-убала хIурмат
Дила гьрегъце биив.
Аллагьла расултаццил
Идбаг дила МухIяммад ﷺ
МухIяммадла агьлулццил
Дила устазце ГIяхIмад (кь.с.)
Диранда ТIагьаратра
Чарх унзул калжахана
Гьерегъ даццал диранда
ЦIилра дивгъал дарара
ГIяхI гIямал имцIабара
И рази дул варара
Адамла зурриятла
Ибрагьимла миллатла
МухIяммадла ﷺ умматла
Шафиила мазгьабла
Шазали тIарикьатла
Накьшубанд устазалла
Баракат имцIабара
Бусурман агьлулжира
Ниссала шантажира
Нихьай Аллагьла ﷻ нигIмат
Дурхъа Ас-салам кказат
Хъалебаргци баракат
БучIанилжи шафагIат
Гьарахъ хьунела гIямрул
Бусурман пашман вирар
ЦIил хIяй-аман икIвандехь
Дегурте чер адиргьар
Гъафлатле гIямру деркIал
ВевчIивкъел къелей виркар
ЦIил пашман вихIялдехь
Дунелци чер авирар
Дечч, кьярякь, папрусра
Душмантецце инсанна
Дарсдарил хIялала ризкьей
Къагъ биргьулце мирглера
Пашманне тавба дара
Жагьаннаб гьарахъбара
Убара рази рарил
Алжанара гьекк бара
Мавлид ил шилцци бара
Бихънате разибара
НикIвате къугъабара
Баракат имцIабара
Атта икIванра бара
Убай кумекра бара
Кулпетла хIурмат бара
Иврага дурхъа варил
Унрала къуллукъ бара
Дин исламра мар барил
Кьуръанра имам бара
КкягIбара кьивла барил
Аллагьра ﷻ рази вара!
Амин Аллагь ﷻ я Аллагь ﷻ
Амин Аллагь ﷻ я Аллагь ﷻ
Кьабулбара я Аллагь ﷻ.
Аль-ФатихIя.
