Нушала бучIантала назмурти
Нушала бучIантала назмурти
Хъубеш нешлис деза
ХIерургар дунъяличир
Дилагъуна хъубеш неш,
Ца хIерван или бали
УркIиличибси пикри.
ХIердарили дяхIла хатI
Бурги дила хатIара,
ХIулбала хIерлизибад
Риригу белчIес дардра.
Багьалри ну децIрикIни
Сари дяхIла цIа ари,
Балигу гушриънира
Канилар калунсиван.
Дигахъира наб нешван
Дигайли ламрикIули,
Гьаннара дигахъулра
Дила мякьлар агаркъи.
Биалри дила игъбар
Илгъуна ну рираси,
Нешгъуна хIериасра
ГIяхIси хъубеш нешгъуна.
Нешлис
Неш ибси дев къантIси саб
БухIнабуц халаси саб,
Нешли айкьурси урши
ЛевгIев талихIчевси сай.
Дай дугила мурил гьанкI
Чуйнара бемцIахъурси,
Неш хIела нуни чебла
Я ахъес хIерирусра.
ХIуни бучIуси лайла
Наб гьаннара гьанарар,
ХIу гьаннара мицIирли
Лерал или гьанбиркур.
Дудеш жявли арякьун,
Дунъя бахъ дигахъули,
Нешлара дудешлара
Мер хIези буцахъили.
Ахъ дубурацада цIакь
Ну гьанни харжбарибси,
РикIулра хIед баркалла,
Неш, наб жанван ахIерси.
Даширая, нешани
ХункIлизирти тIулбиван
ХIябилра уржиб улка,
Бухъна кьаклар цулбиван
Саб тIутIукабирули.
Даширая, нешани,
ЦахIнарли гъайдикIехIе,
Язихъбиуб улкалис
Кумекличи аркьехIе.
Даширая, нешани,
Къачаагъуни бялчIехIе,
Къияндикибтачи
МузадулхъехIе.
Узби кабуршутачи
«Мегьла дабри» челгьехIе,
Ярагъ къяйкхIедикIахъес
Илди хIяридирхьехIе.
Даширая, нешани,
ЦаладиркехIе,
Гьалмагъдешла авид
ГьарзабирехIе.
Баракатла улка
БацIхIебухъахъес,
Пагьмуртира, цIакьра
ЦаладирхъехIе.
Кутурбиубси улка
Баракатчеб бирехIе,
КьижбикIутала урга
КIунби лайкадикIехIе.
Террористуни бячIи
Азадли гьигьдикIехIе,
Питникартала мурад
Марли бетхIерахъехIе!
