Шөкөр итәйек!
ӘлхәмдүлиЛләһ, беҙҙең юлыбыҙ – дөрөҫ юл. Бының өсөн беҙ Аллаһу Тәғәләгә шөкөр итергә тейешбеҙ, сөнки бөтә нәмә лә Уның теләге менән эшләнә. Был юлға баҫтырып, мәрхәмәт күрһәткәне өсөн Раббыбыҙға рәхмәтле булырға кәрәк. Аллаһтың рәхмәте беҙ Уға шөкөр иткән һайын арта. Аллаһу Тәғәлә беҙҙең иманыбыҙҙы нығытһын, Үҙенең мәрхәмәтен арттырһын өсөн, һәр ваҡыт шөкөр итергә тейешбеҙ. Беҙгә килгән барлыҡ яҡшы нәмәләр – Аллаһ ниғмәттәре.
Имандың яртыһы − шөкрәнә, яртыһы – сабырлыҡ. Пәйғәмбәребеҙҙең ﷺ шундай һүҙҙәре бар: "Шайтан изге ғәмәл ҡылмаған, шөкөр итмәгән кешенең малын әҙ итеп күрһәтер. Уның дәүләте тау хәтле булһа ла, уның күҙенә гел әҙ булып, бөтөр һымаҡ күренер, бер ҡасан да ҡәнәғәтлек хисе таба алмаҫ",– тине. Кем шөкөр итә, ул һәр ваҡыт ота, кем шөкөр итмәй, күп нәмә юғалта. Аллаһу Тәғәлә Үҙе һаҡлаһын!
Аллаһтың ниғмәттәре артып торһон өсөн шөкрәнә кәрәк. Әлеге ваҡытта күп кешеләр шөкөр итмәйҙәр. Уларға күпме бирелһә лә, риза түгелдәр.
Аллаһ Тәғәлә дөрөҫ юлдан барырға насип итһен. Унан нисек тайпылмаҫҡа? Шөкөр итеп, сөнки бөтә яҡшылыҡ шөкөр итеүҙән арта.
Аллаһу Тәғәлә шөкрәнәлә-ребеҙҙе даими ҡылһын, ин шәә Аллаһ.
