Мәүлит мөнәжәте

Аллаһуның дуҫы һин,
Эй Мостафа Мөхәммәд. 
Беҙгә шәфәғәтсе һин,
Эй Мостафа Мөхәммәд
Салләллаһу ғәләйһи, йә Мостафа Мөхәммәд.
Ете ҡат күкте кистең һин,
Ғәршенән дә аштың һин.
Аллаһ менән серләштең һин,
Эй Мостафа Мөхәммәд
Салләллаһу ғәләйһи, йә Мостафа Мөхәммәд.
Шәриғәтте һүҙләнең,
Тәриҡәтте эҙләнең,
Хәҡиҡәтте күҙләнең һин,
Эй Мостафа Мөхәммәд 
Салләллаһу ғәләйһи, йә Мостафа Мөхәммәд. 
Төндәр ятып туйманың,
Туйғансы аш йыйманың,
Хаҡ ҡоллоғоң ҡуйманың,
Һин, Мостафа Мөхәммәд
Салләллаһу ғәләйһи, йә Мостафа Мөхәммәд.
Тәҡдир булған әжәлдән
Йәтим ҡалған атанан
Һәм шәфҡәтле әсәнән,
Ул Мостафа Мөхәммәд
Салләллаһу ғәләйһи, йә Мостафа Мөхәммәд.
Атам-анам, тимәгән,
Балам-сағам, тимәгән,
Аһ-аһ өммәтем, тигән
Ул Мостафа Мөхәммәд
Салләллаһу ғәләйһи, йә Мостафа Мөхәммәд,
Бик күп хәсрәттәр күргән,
Бик күп михнәттәр сиккән,
Өммәте өсөн ҡайғырған
Ул Мостафа Мөхәммәд 
Салләллаһу ғәләйһи, йә Мостафа Мөхәммәд.
Көндөҙ ураҙа тотҡан,
Төндәрҙә уяу булған,
Өммәте өсөн ҡайғырған
Ул Мостафа Мөхәммәд 
Салләллаһу ғәләйһи, йә Мостафа Мөхәммәд
Аслыҡҡа сабыр иткән, 
Нәфсегә йәбер иткән, 
Өммәт өсөн йыһат иткән
Ул Мостафа Мөхәммәд
Салләллаһу ғәләйһи, йә Мостафа Мөхәммәд.
Күп рәхмәт булһын һиңә,
Күп сәләм булһын һиңә,
Шәфәғәт әйлә беҙгә, 
Эй, Мостафа Мөхәммәд
Салләллаһу ғәләйһи, йә Мостафа Мөхәммәд.