Пәйғәмбәребеҙҙең ﷺ сифаты һәм холоҡтары

Пәйғәмбәребеҙҙең ﷺ сифаты һәм холоҡтары

Йософ пәйғәмбәр кеүек, Рәсүлу-ллаһты ла ** туғандары эҙәрлекләгән һәм һуңынан улар уға бойһонған.

Рәсүлуллаһ ﷺ Дауыт пәйғәмбәр кеүек Мәккә ҡалаһына еңеүсе булып ингән.

Рәсүлуллаһ ﷺ Әҙәм пәйғәмбәр кеүек кешеләр араһында беренсе булды, сөнки Пәйғәмбәребеҙгә ﷺ тиклем бер пәйғәмбәр ҙә кешеләргә һәм ендәргә лә пәйғәмбәр итеп ебәрелмәне.

Рәсүлуллаһ ﷺ Муса пәйғәмбәр кеүек мосолмандарҙы мөшриктәрҙең ҡыҫымы аҫтынан сығарҙы.

Хәҙрәти Рәсүлдең бынан башҡа гүзәл холоҡтары, матур сифаттары ғәйәт күп булып, бөтөн мосолмандарға раһбәр (өлгө, үрнәк) итеп алырға тейешле булған әүсафы (әхлаҡ, холоҡ сифаттары) сикһеҙҙер.

Хәҙрәти Рәсүлдең иҫ киткес гүзәл сифаттарын күреп, ИСЛАМ динен ҡабул итеүселәр күп булды.

Аллаһу Сөбхәнә үә Тәғәлә ҡурҡыулы мәхшәр көнөндә Расүлуллааһи МӨХӘММӘД ғәләйһис-сәләмдең шәфәғәтен барса өммәтенә насип итһә ине, Әмин.

(Башы гәзиттең үткән һандарында)

Әғләметдин Ғәзизов,

Әминә Ноғоманова–Ғәзизова,

Сибай ҡалаһы