Дүшәмбе һәм кесаҙна ураҙалары тураһында
Әбү Һурайра әйтеүенсә, Пәйғәмбәребеҙ Мөхәммәд ﷺ дүшәмбе һәм кесаҙна көндәре ураҙа тотҡан. Бының сәбәбен һорағас, Аллаһ Илсеһе ﷺ, дүшәмбе һәм кесаҙна көндәрендә Ғаләмдәр Хужаһына бәндәләрҙең ғәмәлдәре еткерелә, бер-береһенә үпкә йөрөткән кешеләрҙән башҡаларының гонаһтары кисерелә, тигән.
2018 йылда Көньяҡ Австралия университетында аҙнаға ике тапҡыр ураҙа тотоуҙың файҙаһы тураһында мәҡәлә донья күрә. Ғәҙәти ашау режимы һаҡланғанда, бындай ураҙаның хроник ауырыуҙарҙы дауалағандағы файҙаһы иҫбатлана. Был ябай ысул бигерәк тә күп ваҡыт үлем осрағына килтереүсе йөрәк-ҡан тамырҙары сирҙәренән һөҙөмтәле.
2014 йылда уҡ шул уҡ университет докторы Мосли, аҙнаға ике тапҡыр ураҙа тотоу, шәкәр диабетын, күкрәк яман шешен дауалағанда, революцион һөҙөмтә бирә, тип яҙа. 2017 йылда Америка университетының медицина журналында ике көнлөк ураҙаның һимереүҙе, инсультты, инфарктты иҫкәртеүсе эффектив сара икәне тураһында мәҡәлә баҫыла.
2017 йылдың 5 ноябрендә Гарвард университеты фәнни журналы, ураҙанан башҡа көндәрҙә ғәҙәти ашау режимын һаҡлаған хәлдә, ике көнлөк ураҙаның тимус биҙе (вилочковая железа) ауырыуын дауалауҙағы файҙаһы тураһында мәғлүмәт еткерә.
Манчестерҙа Дженсис онкоүҙәк менән берлектә 1000 ауырыу кеше ҡатнашлығында тикшереүҙәр үткәрелә. Тикшереү һөҙөмтәләре буйынса, аҙнаһына ике көн ураҙа тотоуҙы онкологияны иҫкәртеүҙә генә түгел, ә дауалау осрағында ла ҡулланырға мөмкин, тигән һығымта яһала.
Бөгөн күп билдәле фән ойошмалары иҫбат иткәнде ун дүртенсе быуатта уҡ Пәйғәмбәребеҙ ﷺ әйтеп ҡалдырған, һәм дүшәмбе, кесаҙна нәфел ураҙалары мосолмандар өсөн сөннәт ғәмәл булып ҡала.
(Ислам календарынан)
