Пародонтоздан дауа
Һүҙ киҫкен пародонтозды дауалау тураһында. Ҡайсаҡ, ниндәйҙер аңлашылмаған сәбәптәр арҡаһында, теш ҡаҙнаһы ҡанай, һәм тештәрҙең тамырҙары көсһөҙләнеп китә, ауырта һәм күпмелер ваҡыттан һуң улар төшә лә башлай. Был ауырыу нәҫелдән килә һәм һуңғы арала уның йәшәреүе күҙәтелә. Ауырыуҙың төп сәбәбе – организмда минералдарҙың етешмәүе.
Дауаланыу маҡсатында Үле диңгеҙҙең батҡағын (грязь Мертвого моря) ҡулланырға була. Дарыуханаларҙан бер ниндәй химик ҡушымтаһы булмаған балсыҡты табырға мөмкин. Балсыҡ менән ипләп кенә ҡаҙналарҙы эшкәртергә кәрәк. Ун көнләп ваҡыт үткәс, һиҙелерлек һөҙөмтә күҙәтелер. Тештәр нығынып ҡалыр.
Иртәле-кисле тештәрҙе ошо балсыҡ менән йыйыуҙы ҡағиҙә итеп алығыҙ, тештәрҙең араларында ҡыҫылып ҡалған аҙыҡты ла таҙартырға онотмағыҙ. Төнгөлөккә тештәргә апликациялар ҡуйырға мөмкин. Ауыҙ ҡыуышлығында минераль һәм тоҙло фон һаҡланасаҡ.
Балсыҡ иретелгән һыу менән ауыҙҙы сайҡаһағыҙ, тағы ла яҡшыраҡ. Теш араһына инеп ҡалған ваҡ балсыҡ киҫәксәләренең бер зыяны ла юҡ, ҡурҡырға кәрәкмәй.
