Имам Әхмәт
Имам Әхмәт
Имам Әхмәткә килгәндә, ул Әбү Ғабдуллаһ Әхмәт ибне Мөхәммәт ибне Хәнбәл әш-Шәйбәни 164 йылда тыуған, 73 йәшендә Бағдад ҡалаһында мәрхүм булған. Ул, бөйөк ғалим, заһид һәм бик тәҡүәле кеше булараҡ, халыҡ хәтерендә ҡалған.
Имам Әхмәт бер ваҡыт төшөндә Аллаһу Тәғәләне күргән һәм Унан:
– Һиңә нимә тиҙерәк яҡынайта? – тип һораған.
– Минең Һүҙем (Ҡөрьән), – тигән Аллаһ.
– Йә Раббым, мәғәнәһен аңлап (уҡыумы) әллә мәғәнәһен аңламайынса (уҡыумы)? – тип һораған имам Әхмәт.
– Мәғәнәһен аңлап та һәм аңламайынса ла, – тигән яуап булған.
Ҡутайбат: «Әгәр ҙә Әхмәт Суфъян Саури, Малик, Әүзәғийә, Ләйҫ ибне Сәғде ваҡыттарында йәшәһә, ул уларға ҡарағанда ла атаҡлы булыр ине», – тигән. Шунан унан: «Әхмәт тәбиғиндәрҙән булғанмы?» – тип һорағандар. «Ул бөйөк тәбиғиндәрҙән ине», – тип яуап ҡайтарған Ҡутайбат.
Аллаһ барыбыҙға ла уларҙың юлынан барырға ярҙам итһен! Әмин.
(Дауамы бар.Башы гәзиттең үткән һандарында)
