Пәйғәмбәр ғәләйһис-сәләмгә салауат әйтеү һәм уның шәфәғәте
Пәйғәмбәр ғәләйһис-сәләмгә салауат әйтеү һәм уның шәфәғәте
Пәйғәмбәр ғәләйһис-сәләмдән риүәйәт ителгәнсә, Ул: "Миңә салауат әйтегеҙ, сөнки мин һеҙгә миңә әйткән салауаттарығыҙ тиклем шәфәғәт ҡылырмын", – тигән.
Эй, ҡәрҙәштәребеҙ! Пәйғәмбә-ребеҙ Мөхәммәд ғәләйһис-сәләмгә көндөҙ һәм төндәрен салауатты күп әйтеп, ҡайғы-хәсрәт һәм оло ғазаптан һаҡланығыҙ!
Ҡайһы бер хәбәрҙәрҙә зекер ителгәнсә, Ғәреш бағанаһында: "Әгәр кемдер рәхмәтемә ынтылһа, Мин уға рәхмәт күрһәтермен; кем минән һораһа, Мин уға бирермен; ә кем минән һорамаһа, мин уны онотмам; кем Мөхәммәд ғәләйһис-сәләмгә яҡынлашһа, хатта диңгеҙҙәге күбектәр һанынса булһа ла, уның гонаһтарын ярлыҡармын", – тигән яҙыу булыр.
Ибне Мәсғүд еткерә: «Беҙ Сәғид ибне Ғүбәдәлә ултырғанда, беҙҙең эргәгә Аллаһ Илсеһе килде. Бәшир ибне Сәғид Уға былай тине: «Аллаһ беҙгә һинең өсөн доға ҡылырға ҡушты, нисек эшләргә уны?» Ул әйтте: Аллааһүммә салли ғәләә Мүхәммәдин үә ғәләә әәли Мүхәммәд, кәмәә салләйтә ғәләә Ибраһиимә үә ғәләә әәли Ибраһиимә. Аллааһүммә бәәрик ғәләә Мүхәммәдин үә гәләә әәли Мүхәммәд, кәмә бәәрактә ғәләә Ибраһиимә үә ғәләә әәли Ибраһиимә». Ә сәләм бирә беләһегеҙ инде».
Ғүмәр радыйаллаһү ғәнһү әйткән: “Ҡолдоң доғаһы Ер менән Күк араһында Аллаһҡа күтәрелмәйенсә тора, салауат әйткәс кенә күтәрелер.”
Ғабдуррахман ибне Әбү Ләйлә әйтә: «Миңә Кәғб ибне Ужра осраны ла былай тине: «Мин һиңә бүләк бирәйемме? Беҙ Пәйғәмбәребеҙҙән ﷺ: «Йә Аллаһ Илсеһе, беҙ һине нисек сәләмләргә кәрәклеген белдек, ә һинең өсөн нисек доға ҡылырға?» – тип һорағас, Ул ﷺ салауат уҡырға ҡушты.
Эй Бөйөк Аллаһҡа иман килтереүселәр! Хөрмәтле Пәйғәм-бәребеҙ Мөхәммәд ғәләйһис-сәләмгә салауат әйтегеҙ!
Аллаһу Тәғәлә һеҙҙе һис шикһеҙ шуның менән ҡаты ғазаптан ҡотҡарыр. Һеҙҙе Хулд һәм Нәғим йәннәттәренә керетер, Ул – Хаким-Ғалимдыр.
