Шәйех Зәйнулла Рәсүлевтың тыуыуына – 190 йыл
Зәйнулла ишан
Халҡыбыҙҙың мәшһүр шәхесе
Шәйех Зәйнулла ишан.
Һинең турала уҡып-танышып,
Ҡөҙрәтеңә ҡалдым хайран.
Ауыр тормош – имтихан юлдарың,
Тейешле һынауҙар булған.
Аллаһым биргән көс-ҡөҙрәтең
Киләсәккә юл һалған.
Үткән юлыңдың һәр баҫҡысы –
Камиллашыуға ынтылыу,
Хәҡиҡәт юлында булыуың –
Үҙ көсөңә ышаныу.
Әүлиәлек сифаты үҙеңдә –
Аллаһтың ул оло бүләге.
Халҡымдың ҡеүәтен арттыра
Остаздың иманлы йөрәге.
Камиллыҡ һәм дини үҫешең
Күптәрҙең аса бит күҙҙәрен,
Һаулыҡ, шатлыҡ тыуҙыра,
Ҡеүәтле итә үҙҙәрен.
Ысын мөхәббәт күңелеңдә
Һине көсәйтә, йәшәртә.
Киләсәккә өмөт үҫтереп,
Тағы бәхетле йәшәтә.
Белем бирҙең Троицкиҙа,
Һуңғы мәҡәмең шунда.
Дан-шөһрәт, абруй яуланың
Мосолман донъяһында.
Суфыйсылыҡтың иң юғары
Нөктәһендә һин үҙең.
Халҡыбыҙҙың рухи шәхесе
Булып балҡыны йөҙөң.
Һине һис онотмай халыҡ –
Билдәләй 190 йәшеңде.
Иртән, кисен ҡабатлайбыҙ беҙ
Яратып силсиләңде.
Лира Яҡшыбаева – үҙе бер шәхес,
Китабында − аҡыл-нәсихәт.
Мең рәхмәт Зәйнулла ишанға –
Ул өлгө, тарихи хәҡиҡәт.
