Хәйерле ахыр
Хәйерле ахыр
Өс үҫмер, бәхетле киләсәкте күҙ алдына баҫтырып, фекер алышып ултырғандар. Берәүһе был тормошта иң мөһиме байлыҡ тип уйлай, икенсеһе һәләттәре менән дан ҡаҙаныуҙы маҡсат итеп ҡуя, ә өсөнсөһө иһә матур ғаилә ҡороп йәшәргә хыяллана.
Күпме ваҡыт үткәндер, был өсәүҙең барыһы ла үҙе теләгәненә ирешкән. Оло тормош юлы үтеп, ҡартайып, фани донъя менән хушлашыр мәлдәре еткәс, элекке дуҫлыҡтарын иҫкә төшөрөп, осрашып алмаҡсы булғандар.
Байыҡтым, әммә бәхет күрмәнем, – тигән беренсеһе – Һаранлығым, башҡаларға ҡарата насар мөнәсәбәтем яманат булып ҡала инде.
Талантлы кеше, тип ҙурланылар, шулай ҙа бынан күңелемә һис кенә лә тыныслыҡ килмәне. Яңғыҙлыҡтан өҙгөләнеп барып үлермен, моғайын, – тип зарланған икенсеһе лә.
Тик өсөнсө ҡарт ҡына үҙ тормошонан риза булған:
– Бәхетте үҙем хыялланғанса таптым, Аллаһҡа шөкөр! Яҡындарымдың ҡәҙер-хөрмәтен тоям, үҙ артымдан донъяға иң ҡәҙерле мираҫ – тәрбиәле балалар ҡалдырам, – тигән.
Йәшәү мәғәнәһенең төп асылы шулдыр.
Башҡортостан календарынан
