Ете ҡағиҙә

Ете ҡағиҙә

Көнсығышта таҙалыҡтың ете ҡағиҙәһе бар:

1. "Ҡул таҙалығы". Артығын алмаҫҡа, кешенекенә ҡул һонмаҫҡа. Бында ҡырҡтан бер, ундан бер йәки башҡа күләмдәге килемде мохтаждарға бүлеп биреү ҙә күҙ уңында тотола.
2. "Ҡолаҡ таҙалығы". Асыуланған, ҡурҡҡан, сәбәләнгәндең хәбәрен, һүгенеү, буш хәбәр, ғәйбәт һүҙҙәрен ишетмәү.
3. "Күҙҙәр таҙалығы". Күҙҙәрҙе нәфрәттән, яуызлыҡтан, көнләшеүҙән һаҡлау.
4. "Ауыҙ таҙалығы". Күп һөйләүҙән, һүгенеүҙән һаҡланыу. "Күп һүҙ – сүп һүҙ".
5. "Тән һәм кейем таҙалығы". Үҙең дә, кейемең дә таҙа булһын!
6. "Уйҙар таҙалығы". Башыңдан негатив, насар уйҙарҙы алып ташла. Үҙеңде йәлләмә һәм йәлләтмә лә! Яҡшы ниәтле бул!
7. "Күңел һәм йөрәк таҙалығы". Күңел ынтылышыңа иғтибарлы бул! Бер ни талап итмәйсә ярат. Мөхәббәт – үҙе ҙур бәхет.