Байрам ҡаҙы
Ҡаҙҙы туңдырғыстан бер көн алдан сығарып, һыуытҡыста тотоп алырға. Аҙаҡ маринад менән мул ғына һылап, йәнә көн дауамында шулай тоторға (10 сәғәттән кәм булмаһын).
Маринад өсөн түбәндәгеләр кәрәк буласаҡ: 3-4 аш ҡалағы көнбағыш майы, сама менән тоҙ, борос, тәмләткестәр (паприка, үләндәр), 1 аш ҡалағы бал, 1 аш ҡалағы горчица, ярты әфлисүн һуты (лимон һуты ла мөмкин)
Маринадланған ҡаҙҙың эсен алма һәм әфлисүн менән тултырып, теш таяҡсаһы ярҙамында ябырға йә тегеп ҡуйырға.
Ҡаҙҙы бешерә торған махсус шыптырға (рукав) урынлаштырып, ике яҡ осон яҡшылап бәйләргә һәм 2,5 сәғәткә мейескә оҙатырға (180 градусҡа). Бешә башлағас, шыптырҙы 2-3 урындан энә менән тишергә.
Ҡаҙ янына үҙегеҙ теләгән гарнирҙы бешерергә була.
Татлы, һутлы байрам ҡаҙы әҙер. Аштарығыҙ тәмле, бәрәкәтле булһын!
