Ханум

Ҡамыр өсөн:

• 100 мл һыу
• 1 йомортҡа
• 1 аш ҡалағы көнбағыш майы
• семтем тоҙ
• он

Эслек өсөн:

• 500-600 г фарш
• 250 г ҡабаҡ
• 2 һуған
• 2-3 бәрәңге
• тоҙ, борос, тәмләткестәр
• 60 г һары май
• әҙерәк көнбағыш майы
• укроп, петрушка

Әҙерләү:

1. Ҡамыр өсөн йомортҡаны, йылы һыуҙы, семтем тоҙҙо, үҫемлек майын ҡушып болғатығыҙ ҙа, он ҡуша-ҡуша, йомшаҡ ҡамыр баҫығыҙ. Ҡамырға 15-20 минут самаһы ял бирегеҙ.
2. Ҡабаҡты ҡырғыс аша үткәрегеҙ, һуған һәм бәрәңгене ваҡ итеп турағыҙ.
3. Фаршты ике өлөшкә бүлегеҙ, береһенә ҡабаҡ менән һуғанды, икенсеһенә бәрәңге менән һуғанды ҡушығыҙ. Һәр береһенә сама менән тоҙ, борос, йомшаҡ аҡ май һәм үҫемлек майы өҫтәп, яҡшылап тасҡағыҙ.
4. Ҡамырҙы икегә бүлеп, йоҡа итеп йәйегеҙ. Бөтәһе ике йәймә сығасаҡ. беренсе йәймәгә фарш, ҡабаҡ, һуған ҡушылмаһынан эслекте, икенсеһенә – фарш, һуған, бәрәңге ҡушылмаһынан эслекте һалығыҙ ҙа, рулет итеп төрөгөҙ.
5. Кәстрүлгә һыу ҡойоп, ҡайнатырға ултыртығыҙ. Манты бешерә торған тишекле формаларҙы үҫемлек майы менән майлағыҙ. Рулеттарҙы күсереп һалығыҙ. Талғын утта 40-45 минут бешерегеҙ.
6. Әҙер ханумды тигеҙ өлөштәргә киҫеп, өҫтөнә иретелгән аҡ май ҡойоғоҙ, ваҡ итеп туралған йәшел үләндәр менән биҙәгеҙ. Аштарығыҙ тәмле булһын!

Уңған килен Зөбәржәт Утарбаева