ТАУЫҠ ИТЕНӘН РУЛЕТ

ТАУЫҠ ИТЕНӘН РУЛЕТ

Беҙгә кәрәк буласаҡ:

• 1 тауыҡ
• 2-3 йомортҡа
• ярты ҡыҙыл борос
• сыр
• тоҙ, борос, йәшел үләндәр

*борос һәм сыр урынына ҡара емеш, күрәгә һалырға була.

Әҙерләү барышы:

1. Тауыҡтың түш итен урталай киҫеп, һөйәгенән айырып алырға. 2 киҫәк ит сыға, тиреһе ҡала.
2. Филе ите булған өлөшөн урталай киҫергә. Иттең өҫтөн салафан төргәк менән ҡаплап, махсус сүкеш ярҙамында бер аҙ йомшартып алырға кәрәк.
3. Йомортҡаларҙы сәнске менән туғып, ҡоймаҡ итеп бешереп алырға, боросто, сырҙы оҙонса итеп киҫергә.
4. Иткә сама менән тоҙ, борос һибергә. Иттең өҫтөн ҡоймаҡ менән ҡаплап, бер яғына борос менән сырҙы һалғас, рулет итеп төрәбеҙ. Артабан уны аҙыҡ-түлек пленкаһы менән яҡшылап уратырға, остарын бәйләргә кәрәк. 1 тауыҡтан 2 рулет сыға.
5. Ҡайнар һыуҙа 45 минут бешерергә.

Уңған килен Зөбәржәт Утарбаева