Никахта уҡыла торған теләк-доғалар

Йә Раббым, уҡылған ошо никахтарҙы киң рәхмәтең менән ҡабул ит. Ошо ике бәндәң (фәлән улы фәлән, фәлән ҡыҙы фәлән) бербереһенә шаһиттәр ҡаршыһында вәғәҙә бирҙеләр, ҡатын һәм ир булдылар. Ошо вәғәҙәләрен мәңге һаҡлап ҡалырға насип ит. Әҙәм менән Һауа, Ибраһим менән Сара , Йософ менән Зөләйха, Ғәли менән Фатима, Мөхәммәд менән Хәҙисә араларына тигеҙ өлфәт мөхәббәт насип иткәнең кеүек, уларҙың араларына ла шундай уҡ тигеҙ, өлфәт мөхәббәт насип ит. Икеһен дә төрлө бәләғазаптарҙан, хәүеф-хәтерҙән һаҡла.

Ошо тормош юлдарында бер-береһенә үрнәк булып, бер-береһенә терәк булып йәшәүҙәрен насип ит. Үҙҙәренә күп һөйөнөстәр, шатлыҡтар килтереүсе балалар тыуҙырып үҫтереүҙәрен беҙгә лә күрергә насип ит. Башҡаларға ла өлгө булырҙай ғаилә ҡороп, шатлыҡһөйөнөс, киң ризыҡтар һәм Үҙеңдең рәхмәтең менән уларға оҙон шатлыҡлы ғүмерҙәр менән йәшәргә насип ит!

Мәхмүт Шәрәфетдиндең “Доға ҡылыу һәм теләк теләү үрнәктәре китабынан”