Әрүәхтәргә нисек доға ҡылырға?
Әрүәхтәргә нисек доға ҡылырға?
Мәрхүм булған яҡындарығыҙға һәм бөтөн мосолмандар рухына «Фәтихә», «Ихлас», «Нәс» сүрәләрен уҡырға була. Уларҙан тыш «Йәсин», «Мүлк» сүрәләрен бағышлап уҡыһаң, сауабы күп булыр.
Уҡылған сүрәләрҙе ошо рәүешле бағышларға була:
«Йә, Раббым! Үҙеңдең ризалығың өсөн уҡылған Ҡөрьән сүрәләрен Пәйғәмбәребеҙ Мөхәммәд ﷺ рухына, атабыҙ Әҙәм , әсәбеҙ Һауа рухына, бар пәйғәмбәрҙәрҙең, сәхәбәләрҙең, был донъяға килеп киткән барса мосолмандарҙың рухына ирештереүеңде һорайым...».
Шунан һуң: «Доғаларымды, уҡылған Ҡөрьән сүрәләрен әлеге кешеләргә ирештер» – тип, яҡындарыбыҙҙың исемен һәм аталарының исемен әйтеп бағышларға була. Мәҫәлән, Ғабдулла ҡыҙы Фатима рухына тип.
Мөһим: Ҡөрьәнде тик ғәрәп телендә генә уҡырға кәрәк. Транскрипция аша уҡырға ярамай.
Ләйсән Бәхтиева әҙерләне
