Бурыстан ҡотҡара торған доға

Бурыстан ҡотҡара торған доға

Әбү Сәид әл-Хүҙринән  етекерелгәнсә, бер көн Пәйғәм-бәребеҙ ﷺ мәсеттә Әбү Үмәмәне  күрә. «Йә, Әбү Үмәмә, ни өсөн һин мәсеттә намаҙ ваҡытынан тыш ултыраһың?» – тип һорай Аллаһ Рәсүле ﷺ. «Донъя мәшәҡәте һәм бурыстар мине ялмап алды», – ти Әбү Үмәмә. «Аллаһу Тәғәлә һине ошо бурыстарҙан ҡотҡара торған һүҙҙәргә өйрәтергәме?» – ти Пәйғәмбәребеҙ ﷺ. «Йә, Аллаһ Рәсүле, өйрәт» – ти Әбү Үмәмә.

«Йоҡлар алдынан һәм уянғас, ошо доғаны уҡы:

اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَأَعُوذُ بِكَ مِنَ الْعَجْزِ وَالْكَسَلِ، وَأَعُوذُ بِكَ مِنَ الْجُبْنِ وَالْبُخْلِ، وَأَعُوذُ بِكَ مِنْ غَلَبَةِ الدَّيْنِ، وَقَهْرِ الرِّجَالِ

Уҡылышы: «Аллаһумма инни әғүҙү бикә минәл-һәмми үәл-хәзәни үә әғүҙү бикә минәлғаджзи үәл-кәсәли үә әғүҙү бикә үәл-жүбни үәл-бухли үә әғүҙү бикә мин ғаләбәтид-дәйни үә ҡаһрир-риджәл»

Мәғәнәһе: «Йә, Аллаһым! Мин тынысһыҙлыҡтан һәм ҡайғынан, көсһөҙлөктән һәм ялҡаулыҡтан, һаранлыҡтан һәм ҡомһоҙлоҡтан, бурыс ауырлығынан һәм кешеләрҙең золом ҡылыуҙарынан Һиңә һыйынам».

Әбү Үмәмә: «Ошо һүҙҙәрҙе даими әйтә башлғас, Аллаһу Тәғәлә мине мәшәҡәттәрҙән арындырҙы һәм бурыстарымды ҡапланы», – ти (Әбү Дәүд).