Баҙарҙа уҡыла торған доға

Баҙарҙа уҡыла торған доға

Пәйғәмбәребеҙ ﷺ баҙарҙы, шайтандарҙың яу яланы, тигән. Ысынлап та, баҙарҙа хәрәм ғәмәлдәр күп ҡылына: берәүҙәр алдаша, икенселәр алдана. Былар барыһы ла шайтан мәкере.

Шуға күрә, баҙарға барғанда ла һаҡ булырға, доға – мосолмандың ҡоралы, икәнлеген онотмаҫҡа кәрәк. Баҙарға ингәндә уҡыла торған доғаны көндәлек тормошҡа индереп ебәреү бик яҡшы буласаҡ.

Баҙарға йәки кибеткә, сауҙа үҙәгенә кергәс уҡыла торған доға:

لاَ إِلَهَ إِلاَّ اللهُ وَ حْدَهُ لاَ شَرِيكَ لَهُ، لَهُ الْمُلْكُ وَ لَهُ الْحَمْدُ، يُحْيِي وَ يُمِيتُ وَهُوَ حَيٌّ لاَ يَمُوتُ، بِيَدِهِ الْخَيْرُ وَهُوَ عَلىَ كُلِّ شَيْءٍ قَدِيرٌ

Уҡылышы: «Ләә иләһә илләллаһу үәхдәһү ләә шәрикә ләһ, ләһүл-мүлкү үә ләһүл хәмдү йүхйи үә йүмитү үә һүә хәййүн ләә йәмүтү, бийәдиһил-хайр, үә һүә ғәләә күлли шәйъин ҡадир».

Мәғәнәһе: «Аллаһтан башҡа илаһ юҡ, Уның тиңдәше юҡ. Бөтөн маҡтау Аллаһу Тәғәләгә генә хас. Аллаһ терелтә һәм үлтерә (ләкин Үҙе һәр ваҡыт тере, Ул һис ҡасан үлмәйәсәк). Барса хәйерле эштәр Аллаһу Тәғәләнән һәм Уның Көс-Ҡөҙрәте һәр нәмәгә етә!».