Ҡөрьән менән дауаланығыҙ

Бөгөн күп илдәрҙә тауыш тулҡындарын (вибрация) төрлө ауырыуҙарҙан, хатта яман шештән дауаланғанда ҡулланалар. Өндәрҙең мөһимлеген, Ҡөрьәндең дауа икәнен иҫәпкә алһаҡ, тап изге китапты көйләп уҡыу бөтөн организмға һәм һәр күҙәнәккә ыңғай тәҫьир иткәнен ғалимдар иҫбатлаған. Әлбиттә, шифа бары тик Аллаһу Тәғәләнән, бары тик уның ярҙамы менән икәненә инаныу, иманыңдың камиллығы һәм ныҡлығы − уңыштың төп нигеҙе.

Ауырыу кеше Ҡөрьәнде үҙе уҡыһа, яҡшыраҡ, сөнки сиргә үҙ тауышыңдың тәҫьире көслөрәк. Ҡөрьәнде уҡығанда йәки тыңлағанда, күҙәнәктәрҙә баланс көй-ләнә. Билдәле ауырыуға ҡағылышлы сүрәләрҙе иртәле-кисле етешәр тапҡыр уҡыу яҡшыраҡ. Йоҡлаған ваҡытта ла мейе актив ҡала һәм сүрәләргә реакцияһы һаҡланғаны тикшеренеү һө-ҙөмтәләре буйынса билдәле.

Ниндәй генә сир булмаһын, барса насарлыҡтарҙан ҡалҡан булған, һәр ваҡыт уҡылырға те-йешле «Фәтиха», сүрәһен, «Аятөл Көрси»ҙе, «Ихлас», «Фәләҡ», «Нәс» сүрәләрен беләбеҙ. Ҡурҡҡанда һәм хәүефле саҡта «Ҡөрәйеш» сүрәһен, хәсрәтле ваҡытта «Йософ» сүрәһен, тире сирҙәре һәм оҙайлы хроник ауырыу ваҡытында Әйүп пәйғәмбәр доғаһын («Пәйғәмбәрҙәр» сүрәһе, 83-сө аят) уҡыу тәҡдим ителә.