ИЛАҺИ МӨҒЖИЗӘЛӘР
ИЛАҺИ МӨҒЖИЗӘЛӘР
Ҡарға бер ҡара
Күктән сайҡала-сайҡала осоп төшкән һәм аяҡтарыбыҙ аҫтында тапалған ҡар бөртөктәренең шәкелдәре шундай гүзәл, был гүзәллек ҡаршыһында оҫта рәссамдар ҙа таң ҡала. Бынан тыш ҡар бөртөктәренең һәр береһе икенсеһе менән оҡшаш түгел, уларҙың һәр береһе үҙенсәлекле сәнғәт әҫәре.
Ҡар ҡалынлығы 50 см булған һәр квадрат метрға 1 000 000 ҡар бөртөгө тура килә. Шуға ҡарамаҫтан, бөтә ер йөҙөн ҡар ҡаплаһа ла, һис бер ҡар бөртөгө бер-береһен ҡабатламай. Был хәҡиҡәт американлы Вилсон Бентлейҙың 50 йыл дауамында алып барған күҙәтеүҙәре һәм тәжрибәләре һөҙөмтәһендә 1985 йылда раҫланды. Ғалимдың эше – 6000 фотоһүрәтте бер-береһе менән рәсемгә төшөрөүе сәнғәт дәрәжәһенә күтәрелде. Ғалим был эшкә ғүмеренең яртыһынан күбен сарыф итте.
Эйе, һәр бер ҡар бөртөгө күктән төшкән ғәжәп бер сәнғәт әҫәренә оҡшайҙыр! Һыу тамсыларынан барлыҡҡа килгән был "әҫәрҙәр" һыу тамсыһынан яратылған башҡа әҫәргә (яратылмышҡа) – кешегә үҙен Бар Ҡылыусыны (Раббыны) танытыу өсөн индерелә.
Бәлки, был ҡәҙәр күп ҡар бөртөктәре араһында 1-2 оҡшаштары барҙыр, тигән фекергә киләһегеҙҙер. Ләкин кешеләрҙең бармаҡ эҙҙәренә күҙ һалығыҙ. Ни өсөн миллиардлап кеше йәшәүенә ҡарамаҫтан, бармаҡ эҙҙәре бер-береһенә оҡшаш булған ике әҙәмде һис таба алмаҫһағыҙ?! Шуның кеүек, бер ҡар бөртөгө башҡа бер генә ҡар бөртөгөнә лә оҡшамаҫ. Эйе, Аллаһу Тәғәлә, кешеләргә үҙ сәнғәтенең ни ҡәҙәр бөйөк икәнлеген күрһәтергә теләп, һәр бер ҡар бөртөгөн башҡаһынан айырмалы шәкел-үлсәүҙә яратҡан.
