Главная

КпIунин арканар

КпIунин арканар

Кпlунин арканар, яни чеб галачиз капI дуьз тежезвай, адан чарасуз паяр (дестекар) ибур я:

 

  1. Ният (адан шартIар: ам кпIуниз гьахьдайла «Аллагьу акбар» лугьудай чIавуз рикIяй фикир авун; гьи капI ийизватIа тайинарун; ийизвайди ферз-капI, яни суннат-капI тайинарун.
  2. КIвачел дуьз акъвазун (им анжах кIвачел акъваздай алакьун авай инсанриз талукь я, акъвазиз тежедайда ацукьна ва ацукьна тежедайда къаткана авуртIани жеда).
  3. КпIуниз гьахьдайвал гьич са гьарфни дегишар тавуна «Аллагьу акбар» лугьун (яргъи ва куьруь ачух сесер, сад ва я кьве къат хьанвай ачух тушир сесер сивяй кутугай тегьерда акъудун лазим я).
  4. Сура «Аль-Фатигьа» кIелун (кIелунин къайдаяр хуьда ва вири сесер дуьз сивяй акъудда, гьич са гьарфни я хкуддай, я алава ийидай ихтияр авач, яргъи ва куьруь ачух сесер, сад ва я кьве къат хьанвай ачух тушир сесер сивяй кутугай тегьерда акъудда).
  5. Юкь агъузун (руку’) ва гьа къайдада са легьзеда кьванни акъвазун (тIумаънинагь). Гъилер и арада метIерал жеда, юкь анжах кпIунин гьерекат тамамарунин ният аваз агъузна кIанда, маса ният аваз агъузайтIа дуьз жедач (мисал яз, садахъай чуьнуьх хьун патал).
  6. Руку’дилай кьулухъ дуьз акъваз хъувун (и’тидаль) ва и къайдада кьве легьзеда акъвазун.
  7. Кьве сеферда пел чилел эцигун (сажда) ва и гьалда кьве легьзеда акъвазун. И арада къалчахар къуьнерилай вине ва пел чилел (кьилин заланвили адал илисзава) хьана кIанда, метIер, кьве гъилинни капашар ва кIвачерин тупIар чилел эцигда (гъилеринни кIвачерин тупIар Кьибледихъ элкъуьрун Сунна я).
  8. Кьве саждадин арада са легьзеда далу дуьзарна ацукьун.
  9. Эхиримжи ат-тагьият кIелун (кIелунин къайдаяр хуьда ва вири сесер сивяй дуьз акъудда, гьич са гьарфни я хкуддай, я алава ийидай ихтияр авач).
  10. Эхиримжи ат-тагьиятдин гуьгъуьнай Пайгъамбардал ﷺ салават кIелун (гьакIни кIелунин къайдаяр хуьда ва гьич са гьарфни я хкуддай, я алава ийидай ихтияр авач).
  11. Эхиримжи ат-тагьият ва салават кIелун патал ацукьун.
  12. Са сеферда салам гун.
  13. Винидихъ къалурнавайвал арканрин нубат хуьн (инал тlвар кьур къайда хвена авун).

 

«Капl Женнетдин куьлег я» ктабдай

 

2026-08-01 (Сафар 1448 г.) №8.


Дастамаз къачудайла дуьаяр кlелун

Суал: Дуьз рекьелай алатнавай са бязибуру лугьузва хьи, дастамаз къачудайла (гъилер, кIвачер чуьхуьдайла) дуьаяр кIелун бид’а я, гьавиляй абур кIелдай ихтияр авач. И гафар дуьзбур яни?   Жаваб: Ваъ, дуьзбур туш. Дуьа гьина хьайитIани ва мус хьайитIани ийидай ихтияр ава, анжах...


Ибрагьим пайгъамбардикай гьакъикъи гьадисар

Са сеферда Ибрагьим пайгъамбардикай асгьабриз ахъайдай чlавуз Мугьаммад Пайгъамбарди ﷺ лагьана: «Гьакъикъатда, Ибрагьим Исмаилахъ ва адан дидедихъ галаз рекье гьатна ва абурув яд авай цел гвай. Исмаилан дидеди а целцяй яд хъваз хьана ва адаз вичин хциз гудай гзаф нек авай, та абур Меккадиз...


Ислягь алакъайра жен

Квез жавандихъ галаз суьгьбетиз кIан хьунин алахъунар шумуд сеферда къал-макъалдалди акьалтIна? Ягьсуз хьанвай аял ягъ тавун патал куьн шумуд сеферда сабур хуьниз мажбур хьана? Вири и дуьшуьшар масакIа куьтягь хьунни мумкин тир! КIанзавайди и четин макъамда аялдив эгечIдай тегьер чир хьун я....


Исламда мазгьабар гьикl арадал атана?

Са гьихьтин хьайитIани месэладин гьакъиндай къарар кьабулдайла, имамар сифтени-сифте Къуръанда адакай вуч лагьанватIа, гьаниз килигзава.   Эгер анай абуруз жаваб жагъун тавуртIа, абур гьадисриз килигзава. Эгер гьанайни жагъун тавуртIа, а месэладин гьакъиндай асгьабри сад авунвай гафуниз...


Тlебии дарманар

Чи дарманар чи патарив гва. Чна фагьум тагуз, я тахьайтIа, абурукай хабар авачиз, чин тийиз гьикьван менфятлу шейэр гадарзава. Месела, къачун чна гьар хуьрек гьазурдайла ишлемишзавай чичIекар.   Хъуьруьшар гьиниз физва? Гьелбетда, гадарзава. Абуру простатит, аденома авайбуруз лап хъсан куьмекда....