Вун ахьтинди яз ни халкь авуна?

Са гьихьтин ятIани туннелдай зурба йигинвал аваз акъатзавай гьар са япониядин поезддихъ гугрумдин гзаф зурба ван галай. Гьавадин ван акьван кIевиди тир хьи, ам хъиткьинуниз ухшар тир, ада элкъвена къваларив гвай инсанриз ва гьайванриз кичIерар гузвай.

Кар неинки зурба йигинвиле авай, гьакIни сифте зарб поездрин туькIуьр хьунухьани. Туннелда поезддин вилик гьавадин цал арадал къвезвай ва анай акъатайла ада гьа гугрумдин ван арадал гъизвай. И месэла нуькIверал гуьзчивал тухвайдалай кьулухъ гьялиз алакьна.

Инженеррин фикир вичел экуьвили зимородокди желбна, иллаки адан кIуф ва кьил туькIуьр хьанвай тегьерди. Гьавадин патай тIимил аксивал жедай абурун кIалубри нуькIрез чIехи йигинвал аваз циз гьахьдай ва ана балугъар кьадай мумкинвал гузва. Яд лагьайтIа, малум тирвал, гьавадилай са шумуд сеферда сигъ я.

Зарб поезддин кIуф гьа саягъда гьавадин патай аксивал тIимил жедайди авурла, месэлаяр чеб-чпелай алатна. Гьич са «гьавадин хъиткьинунарни» хьанач, алава яз поезддин йигинвални артух хьана. Ибур вири гьавадин аксивал тIимиларунин нетижада хьана.

Гьа икI, нуькIерал гуьзчивал авуни техника лап хъсанариз куьмек гана. «Вун ахьтинди яз ни халкь авуна?» - им гьа иер нуькIрен эсер ийидай алакьунар ахтармишайла арадал къвезвай дуьз тир суал я. Гьихьтин тежер хьтин акьулди зимородок а тегьерда туькIуьрнава хьи, инсаният, вичин техника гьакьван вилик фенватIани, ятIани гьайванрин алемдин тамам чешнейрилай чешне къачуниз мажбур жезва.

ГЬАМИД АСАДУЛЛИН