Итижлу делилар

– Дуьньяда виридалайни гегьеншдиз чкIанвай тIвар Мугьаммад я, Мугьаммад Пайгъамбардин ﷺ тIвар.

– Таниш тушир, тийижир кардал машгъул хьун мефтIедин кIвалах артмишун патал хийирлу яз гьисабзава. Камаллу инсандихъ галаз ихтилатрини къанажагъ хци ийида.

– Сиягьатдиз фини кьатIунар зайиф тахьуниз, къанажагъдин къуват агъуз ават тавуниз хъсан патахъай таъсирда.

– “GoogIe” компанияди са секундда тахминан 700 доллар къазанмишзава.

– Нью-Йоркдин юкьвал алай паркунин майдан Монако уьлкведин майдандилай – кьве сеферда, Ватикандилай цIуд сеферда еке я.

– Эгер девекъушди (страус) вири къуватдивди чукурайтIа, адан йигинвал балкIандиндалай артух жеда.

– Юкьван гьисабдалди аялар йикъан къене 400 сеферда хъуьрезва, чIехибур – тахминан 15 сеферда.

– “Астронавт” гаф грекрин “гъед” ва “моряк” манадин гафарикай арадал атанва.

– Антарктидади кьунвай майданрикай анжах 1 процентда муркIар авач.

– Филдин хамунин яцIувал бязи чкайрал 2,5 сантиметр кьван хьун мумкин я.

– Юкьван гьисабдалди инсанди вичин уьмуьрда 5 йис фу тIуьниз серфзава.

– 100 йисуз кьван яшамиш хьайибурукай 80 процент дишегьлияр я.

– Америкавийри аялрин тIуьнилай гзаф пул кацерин емдиз серфзава.

– Бязи итимар чпин уьмуьрда чуру тунал тахминан 3350 сятда машгъул жезва.

– Къадим Египетда кац кьин еке тахсиркарвал яз гьисабзавай.

– ЧIехи кенгурудивай 9 метрдин мензилдиз хкадариз жеда.       

– ЦIайлапан галукьайла, инсандин хамуниз 25 агъзур градусдив агакьна ифин акъатзава.

– Гавайидин алфавитда авайди вири 12 гьарф я (A, E, I, O, U, H, K, I, M, N, P, W).

– ЦIай кутун патал ишлемишдай зажигалка кирбитдилай (спички) 10 йисан вилик арадал гъанвай.

– Инсандин беденда яшамиш жезвай микробрикай 99 процент гьеле илимдиз малум туш.

– Юкьван гьисабдалди, виридалайни аскIан буйдин инсанар – японвияр, виридалайни кьакьан буйдинбур голландвияр я.

– Инсан гьикьван гзаф къанажагълу ятIа, гьакьван гзаф адан чIарарик цурни цинк ква.

– 1-3 вацран яшда авай чагъа аялар накъвар галачиз шехьзава.

– Чилел алай инсанрикай кьудай са пай Китайда яшамиш жезва.

– Аби рангунин вилер авай инсанриз мичIи чкада хъсандиз аквада.

– Шоколаддин гьар са плиткадик, юкьван гьисабдалди, гьашаратрин беденрин муьжуьд кIус ква.

– Инсандин беденда виридалайни гзаф ишлемишзавай жалгъа рекъвер я.

– Чи планетада авай вири къизилрикай 99 процент чилин рикIе (ядро) ава.

Куругъли Ферзалиев (макъала интернетдин делилрал бенеламиш хьанва).