Чун дагъви мусурманар я!
Чун дагъви мусурманар я!
Аллагь, Вавай дад ава ca…
Аллагь, Вавай дад ава ca,
Заз инсанвал багьа тур.
Пехилвилин гъвел гумир заз,
ШейтIан завай яргъа тур.
Сабур жервал рикIинвидиз,
Къуьн-къуьневай рекьинвидиз.
Къунши тежен кIвалинвидиз
Зун зи хайи мука тур.
Къуза къирав, алугиз тик
Фагъир тамир бенде на икI.
Дуьшуьшдайни тахан за рикI
Зун рикIериз мукьва тур.
Дагъ кlанидаз, дагъ це вуна,
Рагъ кlанидаз, рагъ це вуна.
ЗуракI гумир, сагъ це вуна
Зазни гъвечIи чуква тур.
Зун жув хьурай зи шиирда,
Писвал авач зи фикирда.
Заз ганавай и уьмуьрда
Хайи чIалан юкьва тур.
Бубани диде
Байих тийир бахт.
Рехне квачир тахт,
Уьмуьрдин хуш вахт,
Бубани диде.
Зи цаварин чlал,
Иман авай кlвал,
Рикlин секин гьал,
Бубани диде.
И цlарарин сир,
Яр-дуст, чирхчир,
Са мубарак пlир,
Бубани диде.
Чим гузвай лувар,
Бахтунин сувар,
Чилерни цавар
Бубани диде.
Заз чан гайи чан,
Кьве эгьли иман.
Зверзавай карван,
Бубани диде.
Туьтуь хьиз турус,
За тlуьр гьалал кlус,
Хизандин намус,
Бубани диде.
Зи ргазвай рикl,
Байихрик шерик,
Са жуьт «малаик»,
Бубани диде.
Халикьдин кьисмет,
Суфрадин нямет,
Шаирдин девлет,
Бубани диде.
Къелем гъиле кьур береда
Илисна пIуз, алахьна зуз
Чешмедин рав мур береда.
Дава кIан яз ятаривай
Зун алугна кур береда.
Дуьнья тирвал, къекъвена ях,
Уьмуьр я кьван, са куьруь мах.
Цав галай нихъ килигна шагь,
И рикIе хал тур береда.
За рикI туна, и кьве гъилел.
Чрана жув рикIин вилел,
Къурбан тирдан къведа рикIел
Къелем гъиле кьур береда.
Хуш хиялриз мукьва жеда,
Малаикрин юкьва жеда,
Аллагь, зун ваз мукьва жеда
Зи чешмедин гур береда.
