Водороддин перекись гьикI ишлемишда

Водороддин перекись гьикI ишлемишда

- Водороддин перекисдалди сарар михьдай щёткаяр микробрикай михьи ийиз (дезинфекция) жеда.

Иллаки икI авун хийирлу я, эгер хизанда са кас азарлу хьанваз хьайитIа ва щёткаяр са къапуна хуьзватIа: и дуьшуьшда щёткайрин чIар галай кьатIар 40 декьикьада перекись авай исткандиз авудда, ахпа мукьуфдалди целди чуьхуьда. Нетижада микробарни бактерияр рекьида.

- Перекисдалди холодильникарни михьиз жеда. Эгер холдильник гзаф кьацIанваз хьайитIа, перекисдиз сода ва къапар чуьхуьдай шей яда. И тегьерда ам неинки михьи жезва, гьакI ана авай микробарни рекьзва ва мад нагьакьан ниярни акъатзава.

- Перекисдалди гуьзгуь хъсандиз михьиз жеда. Ам гуьзгуьдив михьиз гуьцIда, ахпа михьи кьурай пекинай михьда. Нетижа – нехишар алачир михьи гуьзгуь.

- Перекисдин виридалайни машгьур ишлемишун – хирер ва хам алатай чкаяр микробрикай михьи авун я. Ам гьа хирел цада. Аялар галаз сейрдиз фидайла перекись къачун къулай я, вучиз лагьайтIа йоддилай ва зелёнкадилай тафаватлу яз, ада кудач.

ЮЛИЯ ЗАЧЁСОВА