Главная

Кьасумхуьрел гурлу межлис

Кьасумхуьрел гурлу межлис

Сулейман-Стальский райондин Кьасумхуьруьн кьилин жуьмя диндин межлис къурмишна. Мярекатда иштирак авун патал атанвай мусурманрай мискIин ацIанвай. Иниз Сулейман-Стальский райондин агьалийрилай гъейри, гьакI Кьиблепатан Дагъустандин хейлин районрай диндин векилар мугьман хьанвай.

Насигьатар кIелзавайбур лагьайтIа, Дербент, Махачкъала шегьеррай ва гьатта Ростов областдай иниз атанвай. Пак Къуръандин аятралди ачухай межлис райондин имам Гьасан Амаханова кьиле тухвана. Сад лагьай гаф ада Дагъустандин Муфтиятдин председатель Мугьаммад Майрановаз гана.

Гуьгъуьнлай Ростов областдин Муфтий Айбулат Мигранов, РДдин Муфтиятдин Кьиблепатан Дагъустанда векил Гьусейн Гьажиев, Сулейман-Стальский райондин регьбер Нариман Абдулмуталибов, РД-дин Муфтиятдин меслятдин хилен регьбер Мугьаммадрасул Саадуев, РД-дин Муфтийдин куьмекчи Абдуллагь Салимов ва Кьасумхуьруьн имам Шамил Омаров рахана. Абуру мусурманрин стхавиликай, сивер хуьзвай вацракай ва сиверин лайихлувикай, хъсан къилихрикай ва къадагъа алай крарикай суьгьбетар авуна.

Межлис акьалтIар хьайила, кIватI хьайибуру вирида санал капI кьиле тухвана ва хийирдин дуьаяр авуна. Къуй Аллагьди кьабулрай ва и мярекатдин берекат Ада вири мусурманрал агакьаррай!

2026-09-01 (Рабиул аввал 1448 г.) №9.


ФатIимани цегв

Ажаиб я, ам гьикI хкечI хъувуна. Ам гьикI хьана адавай? ФатIимади цекврел къум вегьезвай, анжах ам гьар гъилера къумадикай хкечI хъийизвай. Ада гьа и кар са шумуд сеферда тикрар хъувуна, амма цегв гьикI хьайитIани винел акъатзавай.   «Ам гьикьван кьегьалди ва къуватлуди ятIа килиг...


Кьейибуруз ван къвезвани?

Суал: Кьейибуруз чан алайбуру лугьузвай гафарин ван къвезвани?   Жаваб: Бадр гъазават куьтягь хьайила, Пайгъамбар ﷺ кьенвай кафиррин патав атана, абурухъ элкъвена рахана. И арада патав гвай Умар асгьабди Пайгъамбардивай ﷺ хабар кьуна: «Я Аллагьдин Расул ﷺ! Вун кьейибурухъ галаз...


Мавлиддин бейтер

Я Аллагьу, я Аллагь, я Аллагьу, я Аллагь, я Аллагь, я Аллагь, я СахIибаль карами!   МухIаммадун ашрафуль агIраби валь гIажами, МухIаммадун хайру ман ямши гIаляль къадами, МухIаммадун баситIуль магIруфи жамигIугьу, МухIаммадун сахIибуль ихIсани валь карами. МухIаммадун тажурус...


Пак гьадисрай къачунвай насигьатар

1.       Аллагь Таалади лугьузва: «Эй, инсанар! Куьн и куьтягь жезвай, фана дуьньяда яшамиш хьун патал гьикьван чалишмиш жезва, квез гьикьван и куьруь уьмуьр кIанда? Гьакъикъатда, муьтIуьгъбуруз Женнет тайинарнава, абур гьаниз Адан муьжуьд къапудай фида....


Гьажи Рамазан эфенди рикlел хкана

15-августдиз Кьурагь райондин Ашахуьре шейх Гьажи Рамазан эфенди рикlел хкуниз талукьарнавай мавлид-межлис кьиле фена. Мярекат Кьурагь райондин имамрин Советдин председатель Аливердиев Абубакра райондин жемятдин куьмекдалди тешкилна. Межлисда иштирак авун патал Гьажи Рамазан эфендидин пlирел ирид...