Мусурманрин игьтияжар кьилиз акъудун

Абу Гьурайради агакьарайвал, Пайгъамбарди ﷺ лагьана: «Ни мусурман и дуьньядин са пашманвиликай азад авуртIа, Аллагьди ﷻ ам Къияматдин йикъан са пашманвиликай азад ийида.

Ни агьвал авачир буржлу касдин гьал кьезиларайтIа, Аллагьди ﷻ адан гьал и дуьньядани, эхиратдани кьезиларда. Ни мусурман кIевайтIа (яни, ада авур Шариатдихъ галаз кьан тийидай кар), Аллагьди ﷻ ам и дуьньядани, эхиратдани кIевда. Аллагьди ﷻ вичин лукIраз куьмек гуда, та лукIра вичин стхадиз куьмек гузмай кьван. Чирвилер къачудай рекьел кам вегьей касдиз Аллагьди ﷻ и кардай Женнетдиз физвай рехъ кьезиларда.

Аллагьдин ﷻ кIвалерикай сада инсанар кIватI хьана Аллагьдин Ктаб санал кIелдайла ва чирдайла, абурал секинвал къведа, абур регьимди кIевда, малаикри элкъвена кьада ва Аллагьди ﷻ Вичин вилик квайбурун (малаикрин) арада абурун тIварар кьазва, амма вуж адан крари энгеларайтIа (хъсан крар бес кьадар тавуна), адаз вичин асул бинеди тади гьалда вилик физ куьмек гудач» (Муслим).

«РИЯЗУ-ССАЛИГЬИН» КТАБДАЙ.