Алукьзавай Рамазан варз мубаракрай!

Дагъустандин Муфтий, шейх Агьмад эфендиди вири мусурманриз алукьзавай азиз Рамазан варз мубаракна.

«Гьуьрметлу мусурман стхаярни вахар! Шукур хьурай Аллагьдиз ﷻ чаз Рамазан варз савкьват яз гайи. Ам гунагьрилай гъил къачузвай ва Халикьдин ﷻ патай берекатар къвезвай вахт я. Рамазан – мусурманар патал виридалайни важиблу ва гьуьрметлу варз я. Гьаниз килигна, за Аллагьдивай ﷻ чаз куьмек гун тIалабзава, диде-бубайриз ва мукьва-кьилийриз гзаф фикир гудайвал, кьейибур мукьвал-мукьвал рикIел хкидайвал (хийир-дуьадалди, абурухъ садакьа гуналди).

Рамазан – им хъсан амалрин варз я. И муддатда мусурманар генани алахъзава етимриз ва кесибриз куьмек гуз, абурун миллетдиз, гьатта диндиз килиг тавуна.

И вацра къуй гьар са инсан вичи-вич тухузвай къайдадиз са патахъай килиграй! Жуван къилихар хъсанариз алахърай. ГьакIни жуван мукьвабурузни хъсан насигьатар авурай.

ИфтIарди (сив хкудун) вири сад ийизва. Миллетрин ва динрин чаравилиз килиг тавуна вири инсанар патал ифтIарар тешкилун лап хъсан кар я. Алемрин Халикьди ﷻ инсаниятдиз стхавилелди яшамиш хьун буйругънава: «Куьн чара жемир!» Садвили хушбахтвал артухарзава, гьавиляй чи садвал хуьн лазим я.

РикIин сидкьидай за квез алукьзавай азиз Рамазан варз мубаракзава! Къуй чун вири Аллагьдин ﷻ регьимдик хьурай!»