Сив хуьнин сувар мубаракрай!

Играми стхаяр ва вахар! Аллагьди ﷻ чаз Рамазан варз, регьимдин, гъил къачунин ва михьи авунин варз, кьиле тухудай мумкинвал гунай рикI Адаз шукур авунай ацIузва.

Къуй Аллагьди ﷻ и бахтавар йикъара кьур чи вири сивер, авур кпIар ва хъсан крар кьабулрай. Амма нивай кьабулиз жедай себеб аваз фикирда авай вири крар ийиз хьаначтIа, къуй Раббиди ﷻ абуруз чпин михьи ниятрай гурай ва булдиз Вичин регьимдалди багъишрай.

Заз и пак вацран берекат чи рикIера вири йисуз амукьна кIанзава, ам чаз къуватдин, сабурдин ва арифдарвилин чешме жедайвал. Къуй Аллагьди ﷻ чун, чи аялар ва мукьвабур вири бедбахтвилерикай, татугайвилерикай, къалмакъалрикай, писвилерикай хуьрай ва чи кIвалер ислягьвиляй, чимивиляй ва разивиляй ацIуррай.

Къуй и сувар чаз виридаз руьгь михьи хьун патал, стхавилин алакъаяр мягькемарун патал, ислягьвал ва инсанар сад-садан гъавурда гьатун патал цIийи кам хьурай.

Къуй ада чун генани гзаф Исламдин весийрин рекье аваз фидайвал, хъсанвал ва регьим ийиз алахъдайвал ашкъилу авурай.

За квез Ид аль-ФитIр – Сив хуьнин сувар мубаракзава!

Гьуьрметдивди, Дагъустандин Муфтий, шейх Агьмад Эфенди.

2026-06-01 (Зуль Гьижжа 1447 г.) №6.

Успагьан Урусатдин агьалийри чичIек-дикай, шивитдикай менфят къачузвай хьиз, европавийри успагьан (шпинат) ишлемишзава. И набатат абуруз гзаф менфят квайди тирвиляй кIанзава. Успагьан Россиядани эхиримжи вахтара гегьеншдиз ишлемишзавай набататрикай сад я. Гьакъикъатдани, пешекарри ам витаминралди...

ИкI лугьудай Хъсанвал ая эбеди, Амукьдайди са гьам я. Тикрардай заз дидеди, Писвал авун гьарам я. “Батмиш жедач вацIа ам, ВегьейтIани кудач цIуз”. Жедачир кагьул бубадиз, Заз акьулдин тарсар гуз. — Хъсанвал я ядигар, РикIелай гьич тефидай. Чун я, бала, инсанар, Дуьнья туна...

Зи уьмуьрда бедбахтвал хьана: бейхабардиз зи кIани гъуьл кечмиш хьана. Чун кефи хан тийиз санал 30 йисалай гзаф яшамиш хьана, планар туькIуьрзавай, мурадар авай. Вири са легьзеда атIана. Инлай кьулухъ гьикI яшамиш жедатIа, чидач. Алимдин жаваб: И дуьньядиз атай гьар са инсан Аллагь...

Ассаламу алайкум ва рагьматуллагьи ва баракатугь. Играми стхаяр ва вахар! За квез алукьнавай Къурбандин сувар рикIин сидкьидай мубаракзава. И шад йикъа чи рикIел Ибрагьим пайгъамбардин еке дережадин чешне, адан Аллагьдиз ﷻ авай рикIин сидкьидай тир вафалувал, михьи ниятар ва Раббидин ﷻ...

Гьуьрметлу Желил халу заз аял чlавалай жуван буба хьиз чида, ада захъ галаз назик, ширин суьгьбетар ийидай. Желил халуни зи буба Жамалдин рикl алай дустар яз, стхайрилайни багъри тир. Сифтегьан Цlелегуьнар – Касал булахдин кьилел, Магьмутрин, Брекрин хуьрер аквадай кьакьан тепедал,...

Сив хуьнин сувар мубаракрай!