Профессорди Аллагь ﷻ авайди субутна

Профессорди Аллагь ﷻ авайди субутна

Яратмишнавай алем дериндай ахтармишна чируни ахтармишзавай кас адаз Халикь ﷻ авайди аннамишунал тагъун мумкин туш. Илимдин агалкьунар артух хьуналди алем Аллагьди ﷻ халкьнавайди субутарзавай бинеяр гзаф жезва. 20-асирдин эхирда Аллагь ﷻ авайди субутарай профессор Нажип Валитован илимдин кIвалахди лап ван авуна.

Нажип Хатмуллович Валитов (15-февраль 1936 – 3-октябрь 2008), 1987-йисалай – Башкириядин гьукуматдин университетдин умуми химиядин технологиядин ва аналитикадин химиядин кафедрадин профессор, дуьньяда тIвар-ван авай химик.

Ахтармишзавайди анжах тежрибадин метлеб авай илимдал машгъул жезвай ва диндивай яргъа тир.

Ада нефтехимиядай, химиядай, катализдай, биохимиядай, физикадай, астрономиядай 130-далай гзаф илимдин кIвалахар, Башкортостанда ва Россияда чIулав нафт хкудунин технология масакIа туькIуьрунин кьве илимдин программа кхьена, ам 23 патентдин ва авторвилин шагьадатнамайрин автор я.

Амма профессорди «Атомрик, молекулрик химиядин теспачавал акатайла вакуумдин юзунар ва электромагнитдин ва гравитациядин майданрин къуватдин цIарарин акахьайвал» монография басмадай акъудайла вири дегиш хьана. Ана Валитова теориядалди делилламишна ва ахтармишунралди тестикьарна хьи, электромагнитдин ва гравитациядин майданрин къуватлу цIарарин куьмекдалди пространствода информация экуьнин йигинвилелай гзаф фад чкIизва, саки са легьзеда, точкайрин арада авай мензилдилай аслу тушиз.

И ачухуни виликдай авай информация чукIунин йигинвал экуьнин йигинвилелай гзаф хьун мумкин туш лугьудай тезис дуьз туширди субутарна. Малум тирвал, экуьнин йигинвал са секундда 300 агъзур километрдилай артух туш. Атеизмдин рехъ гвайбуру чпи Аллагь ﷻ инкар авун гьа идал бинеламишзавай. Абуру тестикьарзавай хьи, Вири Ван Къвезвай ва Вири Чизвай Аллагь ﷻ хьун мумкин туш, вучиз лагьайтIа Алемда арадал къвезвай крарин патахъай Адан чирвал гуя информация агакьунин йигинвилелди сергьятламиш жеда. Валитова вичин илимдин рекьелди ахтармишуналди а мах терг авуна ва Алемда вири вичиз муьтIуьгъ жезвай вини дережадин са къуват авайди субутарна.

Башкириядин профессордин илимдин кIвалахди лап ван авуна ва къе ам дуьньядин 12 уьлкведин 45 илимдин ктабханайра ава, гьа жергедай яз США-дин ирид чIехи университетда, Англиядин кьве чIехи университетда, Франциядин кьве чIехи университетда, Токиядин университетда ва масабура. Ада кхьенвай затIариз диндин ва уьлкведин деятелри къимет гана. Къуръандин гьакъикъатар субут авунай Валитоваз вичин чухсагъулдин гафар Саудовский Аравиядин пачагь Фагьда ракъурна, Ватикандай Римдин Пападин патай чухсагъулдин чар атана.