Жуван нефсинихъ галаз женг чlугун
Суал: Са бязибуру жуван къизмишвилихъ ва нукьсан-синихрихъ галаз женг чIугун чIехи жигьад я лугьузвай тIарикъатдин устазрин гафар тапарар я лугьуз тестикьарзава. ЧIехи жигьад абуру кафиррихъ галаз тухузвай дяве я лугьузва. Абур гьахъ яни?
Жаваб: Ваъ, гьахъ туш. Къуръандай, гьадисрай ва чIехи авлияйринни алимрин гафарай аквазвайвал, виридалайни чIехи жигьад жуван къизмишвилихъ ва руьгьдин азаррихъ галаз чIугвазвай жигьад я.
- Аллагь Таалади Къуръанда лугьузва:
وَ الَّذِينَ جَاهَدُوا فِينَا لَنَهْدِيَنَّهُمْ سُبُلَنَا (سورة العنكبوت، 69)
(мана) «Жуван нефсинихъ галаз, ам тербияламишуналди, жигьад тухузвай ксариз За Жуван рекьер къалурда» («Анкабут» сура, 69-аят).
И аят Меккада ракъурнава. Динсузрихъ галаз тухузвай жигьаддикай рахайтIа, ам Мединадиз гьижра авурдалай кьулухъ башламиш хьанва. Гьаниз килигна, и аят жуван нефсинихъ (къизмишвилихъ) галаз женг чIугунин гьакъиндай ракъурнава.
- Аллагьдин Расулди ﷺ лагьана:
المُجَاهِدُ مَنْ جَاهَدَ نَفْسَهُ (رواه الترمذي و قال صحيح)
«Гьакъикъи мужагьид (жигьад тухузвай кас) вичин нефсинихъ галаз дяве тухузвайди я» (И гьадис Байгъакъидини Тирмизиди агакьарна, Тирмизиди ам гьакъикъиди я лагьана).
- Динсузрихъ галаз кьиле фейи женгинай хтай Пайгъамбарди ﷺ лагьана:
رَجَعْنَا مِنْ الْجِهَادِ الْأَصْغَرِ إِلَى الْجِهَادِ الْأَكْبَرِ (رواه الديلمي و البيهقي و الخطيب)
«Чун гъвечIи жигьаддай хтана ва чIехи жигьаддив эгечIзава» (Дайламиди, Байгьакъиди ва ХатIиба агакьарнава. «Канз аль-Уммаль» ктабдин 11 260 ва 11 779 – гьадисризни килиг).
Имам аль-Гъазалиди кхьизва: «Виридалайни чIехи жигьадрикай сад жуван нефсинихъ галаз ийизвай жигьад я» («Итгьаф, 7-том, 413-чин).
