Кимин (межлисдин) тербиядин къайдаяр
Кимин (межлисдин) тербиядин къайдаяр
Кимин тербиядин къайдаяр – ибур вири халкьди (жемятди) кьабулнавай кимел жува-жув кьиле тухвана кIанзавай дережаяр, яни тегьерар я. Кимин тербиядин къайдаяр инсандиз гьеле вичин кIвале диде-бубади чирзава.
Гьеле кимел къведалди гьар са инсандиз чир хьана кIанда: низ ва гьикI салам гуда, мубаракда, низ ва гьикI са кардин патахъай баркалла малумарда (чухсагъул лугьуда), чIуру кар хьанватIа, гьикI гьайиф чIугвада, башсагълугъвал гьикI гуда ва масабур. Гьар са инсандиз яшайишдикай, сагъламвиликай гьикI суьгьбетдатIа, гьикI са касдиз жуван кIвализ мугьманвилиз теклифдатIа, чIехибуруз, яшлубуруз гьикI фикир гудатIа, абурухъ яб гьикI акалдатIа, жува вуч лугьудатIа, чIехибуруз гьикI чка гудатIа ва маса крар.
Кимел (межлисдал) жемятдин арада кьилин ихьтин къайдаяр рикIивай вилив хвена кIанда:
– эгер жув эхирдай кимел атанватIа, рахун алачиз, виридаз салам гана кIанда, ва и кар яшлубурулай башламишда;
– эгер чIехиди рахазватIа, амайбуру, адан гаф атIун тавуна, яб гуда;
– эгер кIвалахзавай садаз куьмек герек ятIа, амайбуру меслят
къалуруналди ва кардалди куьмек гуда.
И ва маса къайдайри кимел, вири хуьре ва жемятдин арада вичелай чешне къачуз жедай хъсан дуьзгуьнвал твада.
Гафарин манаяр:
ким – хуьре итимар кIватI жедай, абуру суьгьбетар ийидай кьилдин чка;
сув – малари, хипери векь незвай дагъдин уьруьш;
кьетIенвал – амай крариз, затIариз ухшар тахьун.
