Къуншидиз гьикI гьуьрметда?
Къуншидиз гьикI гьуьрметда?
Дагъустандин хизандиз талукь мад са адет – им къуни-къуншидиз гьуьрмет авун я.
Къунши гьалтайла, адаз салам гана, кар-кIвалахдикай, къайгъуйрикай хабар кьуна, адаз жуван куьмек теклифна кIанда. Къуншидин кьилив мукьвал-мукьвал фена, гереквал аватIа, куьмек гун чи мажбурнамайрикай сад я. И кар иллаки ам азарлу, кефсуз ятIа, адахъ мугьманар аватIа, мехъерарзаватIа, кьилел са бахтсуз дуьшуьш атанватIа ва суварин йикъара ийида. Къуншидихъ галаз меслятар ийида, адаз хизандин суваррик, маса шадвилерик эверда. Са кар-кIвалах ийидайла, иллаки къуншидал алукьда. Къунши гьатта яшдиз жувалай гъвечIиди яз хьайитIани, ам кваз кьуна кIанда. «Къунши къуншидин далу я», «КIвал эцигдайла ва я ам къачудайла, эвел къунши хкя», «Яргъал мукьвади жедалди, къвалав гвай къунши хъсан я» – лугьузва Дагъустандин халкьарин камаллу мисалри.
