Главная

Къизилдин ва гимишдин къапар ишлемишун къадагъа тирдакай

Къизилдин ва гимишдин къапар ишлемишун къадагъа тирдакай

1.      Умм Саламади лагьана: «Аллагьдин Расулди ﷺ лагьана: «Гимишдин къапунай хъвазвай инсандин руфуна Жегьеннемдин цIу ван ийида!» (Аль-Бухари, Муслим).

 

  1. Хузайфади лагьана: «Гьакъикъатда, Пайгъамбарди ﷺ чаз пекдин ва дибаждин (пекдин бине авай багьа парчадин тIвар, и къадагъа анжах итимриз талукь я) парталар алукIун ва къизилдинни гимишдин къапарай хъун къадагъа авуна ва ада лагьана: «Ибур вири гьабуруз (яни, имансузриз) и дуьньяда тайин авунва, чаз лагьайтIа – эхиратда» (Аль-Бухари, Муслим).

Кьве «Сагьигьдани» гъанвай и гьадисдин маса жуьреда агакьарзавайвал, Хузайфади лагьана: «Заз ван хьана Аллагьдин Расулди ﷺ икI лугьуз: «Пекдин ва дибаждин парталар алукIмир, къизилдин ва гимишдин къапарай хъвамир ва къизилдин ва гимишдин еке бушкъапарай немир».

  1. Анас бин Сирина лагьана: «Садра зун Анас бин Маликахъ галаз аташпересрикай (огнепоклонники) тир са шумуд касдихъ галаз авайла, гимишдин къапуна аваз желе гъана. Анаса ам тIуьнач. А чIавуз ам гъайи касдиз лагьана: «Ам маса къапуна эциг», - ва ада ам халанждикай (вичикай къапар ийизвай кIеви кIарасдин тар) авунвай къапуна эцигна. Ам мад хкайла, Анаса тIуьна. (Аль-Байгьакъи).

 

2026-02-01 (Шаабан 1447 г) №2.


Асиррай фенвай муьгъ

Дагъустан Республикадин меркезда, Исламдин юкьван асиррин алемдин образовательный центрайрин виридалайни метлеблубурукай сад тир, ан-Низамия медресадин бине эцигайдалай инихъ 950 йис тамам хьуниз бахшнавай чIехи форум кьиле фена.   2025-йисан декабрдиз Махачкъала вири Россиядай алимар,...


Устаздиз гьуьрмет авунин эдебар

Гьакъикъи устаздин гуьгъуьна аваз фин, ада тапшурмишнавай вирд (Аллагьдиз ﷻ зикир авун ва Пайгъамбардал ﷺ салаватар кIелун) тамамарун гьар са мусурмандиз ферз я. Ам итимриз ва дишегьлийриз, алимриз ва тийижирбуруз, гьакимриз ва гьакIан инсанриз, кьуьзуьбуруз ва жегьилриз ферз я.   Къуръандин...


Ша, илиф, азиз Рамазан!

Рамазан варз гьар йисуз дуьньядин мусурманри гуьзлемишзавай багьа мугьман я, вучиз лагьайтlа а вацра хъсан амалар ийиз регьят жезва ва гьа са вахтунда абурай гузвай сувабдин кьадарни Аллагьди ﷻ артухарзава. Куьрелди лагьайтlа, Рамазан вацрахъ гьисабиз тежер кьадар хъсанвилер ава. Къуй чун абурукай...


Интернет ва аялар

Интернетди жуьреба-жуьре халкьарихъ ва медениятрихъ галаз таниш жедай гзаф мумкинвилер ачухна. Ида са жерге хъсан крар арадал гъана, абурун арада акьулдин ва медениятдин ачухвал, чирвилин дережа гегьеншарун ва илимдин ахтармишунар гьевеслу авун ава.   Адалай гъейри, интернетди ам...


Хциз кIелиз кIанзавач

Кьулан хциз гьич кIелиз кIанзавач. Мектебда адаз ялна пудар эцигзава – анжах кIуьд лагьай класс акьалтIарна аттестат вахчудайвал. Гъуьл а кардиз муьтIуьгъ хьанва ва лугьузва: «Виридакай академикар жедач кьван, садакай чубанни хьана кIанда». Ам акваз зи гъиляй кIвалах къвезмач. Вуч...