Рагъ кьурла Аллагьдин Расулди вуч ийидай?
Садра Аллагьдин Расулдин девирда рагъ кьуна. Асгьабри чпин кIвалахар туна. Гьатта чIемерукдай хьилер ахъаюнал машгъул жегьилрини, и вядеда Аллагьдин Расулди вуч ийизватIа килигун патал, мискIиндиз тади авуна. Аллагьдин Расулди кьве ракатдин капI ийиз гатIумна.
Ада ам акьван яргъалди авуна хьи, бязибурувай эхиз жезвачир ва абур ярх жезвай. Дуьа ийидайла ам шехьзавай ва тIалабзавай:
Ада ам акьван яргъалди авуна хьи, бязибурувай эхиз жезвачир ва абур ярх жезвай. Дуьа ийидайла ам шехьзавай ва тIалабзавай:
«Я Рабби , Вуна лагьайди тир, зун абурун арада амай кьван ва абуру чпелай гъил къачун тIалабзамай кьван, Вуна абуруз жаза гудач». ИкI лугьудайла адан фикирда Къуръандин ихьтин аят авай (мана): «Аллагь ахьтинди туш хьи, вун абурун арада амай кьван абуруз жаза гудайвал, ва Аллагьди абуруз жаза гудач, та абуру гъил къачун тIалабзамай кьван» («Аль-Анфаль» сура, 33-аят).
Ахпа ада инсанрихъ элкъвена икI лагьана: «Квез рагъ ва я варз кьуна акунмазди капI ийиз тади ая. Нагагь квез заз чизвай крар чизвайтIа, куьн гзаф шехьдай ва тIимил хъуьредай. Гьар сеферда ихьтин крар акурла, капI ая, дуьаяр ийиз Аллагьдивай тIалаб ва кесибриз садакьаяр пая».
Аллагьдин Расул йифди шехьун
Садра Аллагьдин Расул , мад ва мад ихьтин аят кIелиз сагъ са йифиз шехьна (мана): «Нагагь Вуна абуруз жаза гайитIа, абур – Ви лукIар я, эгер абурулай гъил къачуртIа, Вун – Къудратлуди, Арифдар я» (5-сура, 118-аят).
Ахъайзава хьи, садра тагьажуд капI ийидайла ва ихьтин аят кIелдайла, Абу Гьанифа йифди шехьна (мана): «Къе куьн чара хьухь, гунагькарар» («Ясин» сура, 59-аят).
И аятдин мана ам я хьи, Дувандин юкъуз кафирриз мусурманрихъай чара хьана, кьилди-кьилди кIватI хьухь лугьуда ва абуруз чпи и дуьньяда авунвай крариз килигна, абурухъ галаз санал кIватI жедай ихтияр гудач. Аллагьдихъай гьуьрметдин кичIевиляй рикI ацIанвай кас, гьа гзаф пис юкъуз вич гьа кьве дестедикай гьида жедатIа лугьуз рикIик къалабулух акатна, сагъ са йифиз вучиз шехьдач кьван?
