Ксудайла лугьудай гафар

1.Хузайфади ва Абу Зарра агакьарайвал, Аллагьдин Расул ксуз фидайла, ада адет яз лугьудай: «Ви тIварцIелди, я Аллагь, зал чан хквезва ва рекьизва (Бисмика, Аллагьумма, агьйа ва амуту)» (Аль-Бухари).

2. Аишади агакьарайвал, Аллагьдин Расулдиз месел къаткиз кIан хьайила, ада вичин капашриз уф гудай ва Къуръандин эхиримжи пуд сура (яни «аль-Ихлас», «альФалакъ» ва «ан-Нас» сураяр) кIелдай, ахпа гъилер вири бедендилай тухудай» (Аль-Бухари, Муслим).

3. Аль-Бара бин Азиба агакьарайвал, садра Пайгъамбарди адаз лагьана: «Ваз месик къаткиз кIан хьайила, капI ийидайла къачузвай жуьреда дастамаз къачу, ахпа эрчIи къвалал къаткук ва лагь:

«Я Аллагь , зун Ваз муьтIуьгъ я ва зи кар за Ви ихтиярда тунва ва Вак умуд кутунва заз гьакI кIан хьайивиляй ва Вахъай кичIевиляй. Вахъай чуьнуьх жедай ва къутармиш жедай чка авач, анжах Вавай куьмек тIалабунилай гъейри! Зун Вуна ракъурай Ви ктабдихъ ва Вуна ракъурай Ви Пайгъамбардихъ инанмиш хьанва»

(Аллагьумма, инни асламту нафси илайка, ва фаввадту амри илайка ва альжа`ту захри илайка рагъбатан ва рахбатан илайка. Ла мальжаа ва ла манжа минка илла илайка! Аллагьумма, аманту бикитабика аллази анзальта ва бинабиййика аллази арсалта). Эгер идалай кьулухъ (гьа йифиз) вун кьейитIа, вун хайила авай гьалда аваз рекьида, гьавиляй къуй а гафар вуна гьа юкъуз лагьай эхиримжи гафар хьурай» (Аль-Бухари, Муслим).

4. Хузайфади агакьарайвал, Аллагьдин Расулдиз ксуз кIан хьайила, ада вичин эрчIи гъил кьилик кутадай ва лугьудай: «Я Аллагь , Вуна Ви лукIарал чан хкидай Юкъуз зун Ви жазадикай хуьх! (Аллагьумма, къини азабака явма таб`асу ибадака!)» (Ат-Тирмизи).

«РИЯЗУ САЛИГЬИН» КТАБДАЙ.