Гьунибаъни дураберкIиб
Гьунибаъни дураберкIиб
Дагъистан Республикала Муфтиятла конференц – заллизиб лерилра СМИ – бала вакилти чула насихIятчи ва динна гьавкья Дагъиста Муфтий шайх ГIяхIмад – Афандичил гьунибаиб. ГIядатли биубливан балбуц Кьуръа аятуначил бехIбихьиб.
«Ас-Салам» газетала, «Ислам.ру», «Исламдаг.ру», бекI редактортани, «ННТ» ва «ВатIан» теле-радиоканалтала, ДР –ла Муфтиятла пресс-службала руководительтани чули дураберкIибси бузерила дусличила буриб. Илкьяйдали буриб чула хIянчизартачилти бархбасуначила, ва творчестволичил дархдасунти пикруми – кьасаначила.
«Ас – Салам» газетала бекI редактор ХIясан МяхIмудовли газеталичила презентация чебаахъиб. Илини буриб газета 1999 ибил дуслизиб дурайэс бехIбихьниличила ва ишдус 30 дус диркниличила. БусягIятла замана 13 мезличил дурабулхъуси газета Россияла лерилра регионтазиб тIинтIбирули саби Мурмансклизибад Чукоткализи баайчи. Челябкьлализиб узбекунала мезли дурайэс кьас саби. Илала гъай хIясибли лерилра изданиеби – ургаб бегIлара халаси тираж «Ас – Салам» газетала саби.
«ВатIан» радиоканалла руководитель МяхIяммадрасул Абакаровли бурни хIясибли, 16 дусла бухIнаб ил дигути ва чучи лехIирхъутира камли ахIен, дурала улкназибадра балли зянкъбикIути бирар. ИмцIатигъунти хIянчизарти хьунул адамти саби ва илдани чучи хъарси чебетаахъили биру.
Илкьяйдали гIергъиси яргализиб гъайбухъун «ННТ» телеканалла руководитель ГIяхIмад Ибрагьимов, ДР – ла Муфтиятла пресс-службала бекI МяхIяммад Ражабов, Исламдаг.ру, Ислам.ру каналтала редактор ГIяхIмад МяхIяммадов ва цархIилтира.
ГIяхIмад – Афанди гъайулхъули викIар: «Гьарилра адамла имканти дахъал сари, илди ишбархIи пайдаладарая. ХIушани хIуша ахIермадирудая. СенкIун арбякьунси убла манзиллизиб калун, жагIялла бархIиличи биалли умут агара, ил багьандан ишбархIилизибад вирусигъуна пайда касес гIягIниси саби».
Илкьяйдали илини гьар бархIила гIямрулизир къаршидиркути масъулти севан ирзес гIягIнитил насихIятуни дуриб, мисалти киб.
«Набзи хьарбаалли, нуни хъя барес вирус гьарилра дила хIянчизар гIяхIси адам виъниличила, дила мякьлаб вайти адамти бирути ахIен», – викIи ДР – ла Муфтий шайх ГIяхIмад – Афанди.
Ахирличиб бузерилизиб декIар-бухъунти хIянчизарти сягIятуначил ва Баркаллала кагъуртачил шабагъатлабариб.
