ТалихI баргес
ТалихI баргес
Бухънаси духуси жита кьарличи чIикьбитIи берхIилиуб ванабирулри. Илала мякьлабад биштIаси житала дурхIя дуцIбикIес бииб. ТяхIбухъи, ахъбиубли жита алав жургъбикIесбяхIиб.
– Се бирулри хIуни? – азгъинни хьарбаиб житали.
– Нуни дила чIими буцес дигулра! – бикIар бамсурси житала дурхIя.
– Сен? – тамашабиуб жита.
– Набзи буриб дила чIими – дила талихI саби или. Нуни чIими буцасли, дила талихIра бурцис. ХIера, хIябъибил бархIи ну илис гIелабадбикилра буцес багьандан. Амма бара бикибмад, ил набзибад гIуррара батбулхъули саби…
Бухъна жита гъинчIбяхъиб ва бикIар:
– Ну жагьхIели, набзира бикIутири дила талихI дила чIимилизиб саби или. Нура бахъхIи чIимилис гIергъи дуцIлизиб калунра. БукхIебукули, бужхIебужули, чIими буцесцун кьаслизиб дуцIбикIусири. Бамсурли кабиркусири, ахъбиубли, гIуррара дуцIбикIусири, чIими буцес дигули. ГIур нуни бамсурли, ил хIянчи бархьбатурра ва хIулби хIердикIна арбякьунра. Балулрив нуни се чебаирал?
– Се? – тамашабиубли хьарбаиб житала дярхIяли. – Нуни хIисаббарира, ну чина букьасра дила чIимира наб гIелабад башулири. ТалихIлис гIелабад башес гIягIнидеш агара. ВегIла гьуни декIарбарили, башес гIягIнибиркур. ТалихI биалли хIечил барх башар.
