Пайдалати
Пайдалати
- Лухьуси бялихъла гягI агарбарес багьандан, шиннизи халаси жерши кабирхьуси саби ва 1 литр шинничи, байхъала стакан хияртала зукьити шин (рассол) яра 50 грамм кьанцIала. Илди лерилра 10 минут руржахъули гIергъи, дяргIяхъес датурли, гIур саби илдази бялихъ белхьахъес кабирхьуси.
- ДиштIати бялихъуни ва бялихъла кесекуни руржути шиннизи сари кадирхьути. Халаси журала бялихъ биалли, дяргIибти шиннизиб саби лухьуси. Бялихъла нергъ (уха) дирухIели, бялихъла халадешличи хIерхIеили, дяргIибти шиннизицун саби кабирхьуси, ва руржесбиили гIергъи, цIа камбарили лухьахъуси саби.
- БибгIянбарибси жерши берцIес гьалаб декьлизиб ласбаралли, ил хIейгур ва жагали мургьи рангличил буцIар.
- Жерши кьисбирухIели, дис дяргIибти шиннизи къузбаралли, хIулби нургъбани хIедашар. Байхъала жершицун пайдалабиралли, калунси кесек гIявадешли бакая, ил жявли заяхIебирар.
