Балусив хIушани?
Балусив хIушани?
Балусив хIушани?
Машгьурти адамтала ислам динничила пикруми
Карл Маркс (1818-1887):
«МяхIяммадли христиантала ва жугьутI динна чеббалкIнила урехи багьур. Сунела гIямрулис урехи лебниличила балули хьалли, илини къанчанас булганти Аллагь ца виъниличи жибирутири ва даимти гIямрула гье делгIутири. Бархьагарли бирар, эгер ил нушани дунъяла тарихлизиб машгьурбиубти адамтазивад виъницун халбарахIелли. Нушачи хъарси саби илала идбагдеш ва чедивад нушала дунъяличи вархьибси вакил виъни марбарес».
Лев Толстой (1828-1910):
«Ислам дин гьачам дунъяличиб бекIдеш дирес бехIбирхьур, сенахIенну илизиб леб пасихIдеш ва багьуди».
Герберт Уэллс (1846-1946):
«Чум наслу хIербиуба урехилизиб ва децIлизиб, исламла сагаси шала абухъайчи, сунечира лебил тарих гьуцIбухъунси! Ил бархIи гIямрулизиб даршудеш кабизур, ил бархIи уркIбира даршудешли дицIиб».
Альберт Эйнштейн (1879-1955):
«Нуни иргъулра, бусурмантани чула гIякьлуличибли ва дагьриличибли ил секIал барни, жугьутIунани барес хIебиубтири. Ислам диннизиб цIакь леб, суненира даршудешличи кес бируси».
Нострадамус (1503-1566):
«Ислам дин Европализиб бекIдеш дируси динни бетарар. Европала машгьурси шагьар биалли, исламла пачалихъла тах шагьарли бетарар».
Бертран Рассел (1872-1970):
«Нуни ислам динничила белчIунра ва аргъира – ил лебил дунъяла ва лебил инсаниятла динни бетаэс гIягIниси саби. Ислам лебил Европализиб тIинтIбирар ва илаб исламла чебяхIти пикрикарти дакIубирар. Ца бархIи лябкьян ислам дин даршудешлис гьарли-марси гьаликIли бетарнила».
Бернард Шоу (1856-1950):
«Цагьачам лебил дунъяли ислам дин кьабулбиру. Ил саби-бегIси уличил кьабулбарес хIебиаллира, метафора кьяйда кьабулбиру. Западли цайна ислам кьабулбиру ва ислам даршудешлизиб бучIутала динни бетарар».
Иоганн Гейт (1749-1832):
«Нуша лебтанилра кьанни биаб, жявли биаб ислам кьабулбарес чебиркур. Ил саби гьарли-марси дин. Набзи бусурман бикIалли, наб ил секIал вайхIебилзан, нуни ил бархьсилизи халбирисра».
Иван Бунин (1870-1953):
«Кьуръа хъарбаркь хIебикьусиличи, лягIнатбукьяб.
ЛягIнатбиаб балгнас ва гъазалис вишунсилис.
ЦIедешагар нажасван гIямру багьандан гьигьхIейкIусилис».
«ХIу усулри, амма хIела гьанкI – мургьила муэр. ХIуни 40 архIяличибад розала тIем гьигьбирулри ва хIилхIи даршдусмала гягI гьигьбирулри. ХIу даршудешлизиб ряхIятлири, агь Востокла чебяхIдеш! Амма уркIби даимлис мутIигIдарри. ХIу ахIенрив идбагла бекIла чедибад бархьибси ЖабрагIилли? ХIу ахIенрив Востокла чедибад гьаннара урцуси? Гьаргбии, ахъбии – исламра ахъбирар, дянг авлахъла дягI кьяйда, чебяхIси гъазаватличи!».
Отто Бисмарк (1819-1890):
«Ва МяхIяммад! Ну пашманнира хIела заманализив хIерхIейъниличи. Инсаниятли цагьачамцун чебаиб хIела чебяхIси цIакь ва гIур гьачамалра чебаэс хIебирар. Ну хIяйранвиублира хIечи».
