Цанякълан мушлукья
Ца урши леври, сайра мушлукья ветаэс хьуликIуси. Амма ил цалра спортла секциялизи кьабулирули ахIенри, сенахIенну илала ца някъ аги. Амма ил дебали къайгъичевсири ва шагьарла лерилра секциябази сай бурсиварахъес ибси тиладиличил дугьаилзулри. Ца тренерли илала чIумадеш чебаили, ил бурсиварес кьасбариб.
Ил урши дебали бажардичевси ва чекайзурси увухъун. Илини тренерла лерилра хъарбаркьуни тамандирулри ва сунела имканти гьаладяхI аркули, чIумадеш ва цIакь чедиахъулри. Ил абзур дус абзличи бурсивирулри, илини дусла бухIнаб ца уюн бяркъур, илала кумекличил чедивикес вируси. Дусла гIергъи тренерли ил абзаначи укиб.
– Секьяйда вирусира ну абзикIес ара-сагъти, кIелра някъличилти уршбачил? – урухиуб урши.
Амма тренерли иб:
– Сеналра нушани халбирехIе. Рахли бетаэс.
Уршили илди абзаначиб чедибдеш сархиб. Илини даим ил уюн пайдалабирулри ва гьарил абзлизив чедииркулри. Тренерли ил гьатIира мягIничерти абзаначи укиб. Урши илавра чедиикиб. ГIергъиси абзла гIергъи илини тренерлизи хьарбаиб:
– Секьяйда бетаруси ну ца някъличил ара-сагъти мушлукьябачив чедииркес?
Тренерли жаваб бедиб:
– ХIуни ца уюн балусири, иличивли чедибдеш сархусири. Ил приемличи къаршиси цархIил контрприем саби лебси – къаршикарла балуй някъ буцили. ХIела биалли ил агара.
