Къабакъла кьумазибад пIялцIикI

Къабакъла кьумазибад пIялцIикI

Илгъуна пастализибад кьумала лебил пайда касес вирар. СенкIун илизир А, В, С, К, Д, Е витаминти, кальций, селен, цинк, магний, медь, калий, железо, марганец ва фосфор минералти лерни багьандан.

Илкьяйдали глутаминовая, линоленовая, аминокислотаби ва аргинин. Илдачибли уркIила ва тумала бузери ункъбируси саби ва гьанкIра гьавра лайикьси тяхIярличи диркути сари. Къабакъла кьумазибадси пIялцIикIли иммунитет ахъбирахъу, кьаркьайзирти агъулати секIал дурайу. Илини чимхъа умхитIла ва рудала бузери жигарчеббиру, никуби, гъез чIумадиру, бамсри убису ва кьаркьала гIеббурцу. Илгъуна пIялцIикIли хIулбала шала гIяхIбулхъахъа, холестерин гIяшбирахъу. Ил пайдалабируси саби остеопороз ва артрит сагъбирнилизибра.

Гьарил пIялцIикIлизиб духълумала гIявадеш бируси саби, сабира уркIила ва тумала бузериличи гIяхIлашал асарбируси, хIила гъяж дурусбиркахъуси, абзурли кьаркьа бузери жигарчеббируси, хIилизибси холестерин гIягIниси даражаличиб бихIуси. Илкьяйдали духълумала гIявадешли гьести гIямрулизир имцIадикIути излумачи къаршидеш бируси саби, бекIла мехIе жигарчерли дузахъули, секIал хъумхIертнилис сабабли бетаруси саби. Илини туми кIантIитили дихIни багьандан мехIелизирти клеткабачи кислород ва пайдалати секIал диахъниличирли, ухънаваайчи дагьри хIедумкьахъу ва Альцгеймерла изайзивад мяхIкамиру. ХIязлис ахIен илис гIямру гIеркъадиран бикIутира.

Къабакъла кьумазибад барибси пIялцIикIла пайдаличила сияхI гIурра даимбарес вирар. ВиштIасилис раибси ва дурхIя ниъли валхуси хьунул адамлис хаслира пайдаласи саби: къабакъла кьумази кабурхуси холинни виштIасила мехIе ва скелет дархьли дилкьахъу, витаминтани кьаркьала чебирцIахъу. Климаксла манзил изала ва бехIзидеш убису.

Ил тяхIярли мурул адамтала жинсла гормонти алкIахъути сари, ара-сагъти маргашинра дархли. Илабси холинни держли нясбарибси дулекI умубирахъу, Е витаминни бекI умчIни багьлабирахъу, гIявадешла кислотабани хIила туми чIумадирахъу. Дебали багаласи саби дулекI, урцецуни ва жихIла пушягI сагъбирнилис. БархIилис 1-2 халати кьулса пIялцIикIла даибти сари. Амма сецадра пIялцIикI пайдаласи биалра, ил мяхIкамдешличил пайдалабирес чебиркур кьаркьа битIакI халатас, гьимила кьачIализир къаркъуби лертас ва кьаркьа чехIейсудешла бегIтас. Чакарла изала лебтас варъа ва чакар барххIеили, пIялцIикI сабицун букалли гIяхIси саби.

Беркала ашагьаб!