Тештәрегеҙ һау булһын!
Тештәрҙе һәм стамотологик сирҙәрҙе дауалағанда, иң отошло ысул − мисүәк ҡулланыу. Сифатлы мисүәк һығылмалы, саф еҫле, тештәрҙе таҙартканда, епсәләргә таралып китә.
Хәҙистәрҙә һәр намаҙ һайын тештәрҙе таҙартырға тәҡдим ителә. «Мисүәк менән тештәрҙе таҙартып, тәһәрәтләнеп уҡылған намаҙҙың сауабы етмеш тапҡырға күберәк» (ән-Нәсәи, Әхмәд). Мисүәктә ун яҡшы сифат бар: ауыҙ ҡыуышлығындағы насар еҫте бөтөрә, теш ҡаҙналарын нығыта, күреү һәләтен яҡшырта, лайланы кәметә, тештәрҙе дауалай, сөннәт ғәмәл, ашҡаҙанды дауалай, изге ғәмәлдәрҙең сауабын арттыра, фәрештәләр шатлана, Аллаһу Сөбхәнәһү үә Тәғәлә ризалығына илтеүсе ғәмәл һанала (ибне Ғәббәс). Тәһәрәт алыр, йоҡларға ятыр, намаҙ ҡылыр, Ҡөрьән уҡыр алдынан мисүәк ҡулланыу яҡшы. Хатта тештәре булмағандарға ла мисүәк ҡулланыу тәҡдим ителә. Теш ҡаҙналары нығый, тәнгә шифа.
Тештәргә зарар килтереүсе аҙыҡтарҙан һуң ауыҙҙы тоҙло һыу менән сайҡатырға кәрәк. Бигерәк тә һөт, балыҡ, хильба, баклажан, киптерелмәгән финик, әсегән һөт аҙыҡтары һәм шәрбәт ашағандан һуң − мотлаҡ.
Бал тештәрҙе таҙарта. Уны ҡулланғандан һуң, тештәр ялтырап китә. Теш ҡаҙналары шешкәндә, алоэ ҡатыш бал, зәйтүн майы менән алма һеркәһе файҙалы.
