Ғәреш күләгәһе аҫтында өс төрлө кеше булыр...
Ғәреш күләгәһе аҫтында өс төрлө кеше булыр...
Риүәйәт ителгәнсә, Расүлүллаһ, ғәләйһис-сәләм: «Ҡиәмәт көнө Аллаһуның Ғәреше аҫтында өс төрлө кеше булыр, ә ул көндө фәҡәт Ғәреш күләгәһе генә булыр», – тип әйтә.
Унан: «Эй Рәсүлуллаһ, ғәләйһис-сәләм, кемдәр улар?» – тип һорағас, ул: «Өммәтемде ҡайғыларҙан азат итеүсе, сөннәтемде йәшәртеүсе, миңә салауатты күп әйтеүсе», – тип яуап бирә.
Шуның өсөн мөьминдәрҙең ҡайғыларын бөтөрөргә, һуңғы пәйғәмбәр Сөннәтен йәшәртергә тырышығыҙ, ғаләмдәр Раббыһының, халыҡтың иң хөрмәтлеһе һәм пәйғәмбәрҙәр хужаһына салауаттар әйтергә ынтылығыҙ, Аллаһу һеҙгә мәрхәмәт күрһәтер.
Ҡайһы бер сәхәбәләрҙән (Аллаһ уларҙан риза булһын) риүәйәт ителгәнсә, улар: «Барлыҡ мәжлестәр ҙә Пәйғәмбәр ғәләйһис-сәләмгә салауат әйтелеп уҙыр, уның хуш еҫе сығыр ҙа иң юғары күккә ирешер. Фәрештәләр: «Был – Пәйғәмбәребеҙ Мөхәммәд ғәләйһис-сәләмгә салауат әйтелгән мәжлестең еҫелер», – тип әйтерҙәр».
Илшат Хафизиҙың «Салауат-шәрифтәр» китабынан
