Фәрештәләрҙең салауаттары
Фәрештәләрҙең салауаттары
Риүәйәт ителгәнсә, Пәйғәмбәр ғәләйһис-сәләм: «Миңә салауат әйтеүсегә фәрештәләр салауат әйтер, фәрештәләр салауат әйтеүсегә Раббыһы ла салауат әйтер. Ҡол, теләһә – аҙ, теләһә, күп әйтһен», – тигән (Бәйһаҡи, «Шүғубүл-имән»).
Пәйғәмбәр ғәләйһис-сәләмдән риүәйәт ителгәнсә, Ул: «Аллаһу Тәғәлә һеҙҙең гонаһтарығыҙҙы истиғфар менән алды. Әгәр кемдер, Аллаһу Тәғәләгә дөрөҫ ниәт менән истиғфар ҡылһа – ярлыҡаныр. Кем «Ләә иләәһә илләллааһ» тип әйтә – мизаны ауышыр (изге эштәр яғына – ред.). Ә кем миңә салауат әйтә – мин уға Ҡиәмәт көнөндә шәфәғәтсе булырмын», – тигән.
Салауат әйтеүсенең исеме күк китабында яҙылыр.
Пәйғәмбәр ғәләйһис-сәләмдән риүәйәт ителгәнсә, Ул: «Әгәр берәй кем китапта миңә салауат яҙып ҡалдырһа, минең исемем ул китапта булған саҡта, фәрештәләр уға салауат әйтеүҙән туҡтамаҫтар», – тигән (Табәрани, «Әүсат»).
